“Votat për Adrijana Hoxhiqin, delegjitimojnë vendet e garantuara për komunitetin boshnjak”

Ai një postim në Facebook bërë një krahasim të votave të subjekteve politike boshnjake gjatë zgjedhjeve të kaluara në Kosovë.

Kryeziu përmend faktin se nga 6739 vota të fituara në zgjedhjet e 14 shkurtit, iniciativa e Hoxhiqit, 87 për qind e këtyre votave i ka fituar në vendbanimet me shumicë serbe, ku nuk ka ose ka pak shtrirje demografike të komunitetit boshnjak.

Ai thotë se krejt ky proces delegjitimon përfaqësimin e komunitetit boshnjak dhe arsyen e ulëseve të garantuara për t’u përfaqësuar komuniteti boshnjak.

Ndërkohë, kujtojmë se Iniciativa e Adriana Hoxhiq ka thyer rekord në zgjedhjet e 14 shkurtit 2021, duke siguruar mijëra vota në komunat ku s’ka asnjë pjesëtar të komunitetit boshnjak, të cilin e përfaqëson ajo.

Postimi i plotë i Kryeziut: 

Votat per Adrijana Hodzic, delegjitimojne vendet e garantuara per Boshnjak

Nese i lexojme votat e subjekteve politike Boshnjake nder vitet zgjedhore, shohim trend te rritjes apo dhe mbetjes se votave ne te njejtat permasa, prej zgjedhjeve te vitit 2014 e deri ne zgjedhjet e vitit 2019. Perjashtim behet ne zgjedhjet parlamentare te vitit 2021 per dallim nga viti zgjedhor 2019, kur votat jo nga ky komunitet por per perfaqesuesit e ketij komuniteti rriten per 26%.

Iniciativa e re politike Ujedinjena Zajednica Adrijana Hodzic, e cila ka garuar per here te pare ne zgjedhjet e vitit 2021, ka arritur te fitoj 6739 vota gjithsejte. Deri ketu mund te konsiderohet gjithçka ne rregull, por, ajo cka i ben te diskutueshme dhe per besimin tim kunder frymes kushtetuese, eshte se afer 87% te ketyre votave i ka marre ne Komunat me shumice Serbe, ku s’ka ose ka pak shtrirje demografike te komunitetit Boshnjak.

Psh. vetem ne Komunen e Leposavicit, ajo ka marre rreth 1129 vota, ose ne Komunen e Kllokotit ne regjistrimin e popullsise s’ka asnje boshnjak te regjistruar, ky subjekt politik ka marre 248 vota. E deri sa psh. ne Komunat si Prizreni e Peja ku eshte numri me i madh i boshnjakeve qe jetojne, ajo s’ka arritur te marr as 1% te votave nga ky Komunitet.

Krejt ky proces delegjitimon perfaqesimin e komunitetit Boshnjak dhe arsyen e uleseve te garantuara per tu perfaqesuar komuniteti Boshnjak. Perveç qe kjo eshte shkelje e frymes kushtetuese, per vendet e garantuara per komunitete, ky fenomen krijon precedant per subjektet e medha politike, te cilat ne zgjedhjet e ardhshme munden ta tjetersojne vullnetin e komuniteteve perfshi dhe ate Serb, permes votave te tyre te orientuara te cilat do ti shperndajne tek satelitet e tyre.