7 orë më parëVisar Ymeri pas zhvillimeve te serbët e Kosovës: “Sulm ndaj demokracisë, lirisë por edhe Republikës”
Periskopi(5 vite më parë)
(5 vite më parë)Analisti Visar Ymeri ka bërë një reagim me anë të Facebook-ut pas zhvillimeve të fundit politike që kanë në fokus komunitetin serb. Është rasti i ndërhyrjes në vullnetin e qytetarëve romë dhe boshnjakë dhe ai i rrahjes së birit të politikanit Nenad Rashiq që ka provokuar reagimin e ish kryetarit të VV-së, Visar Ymerit. Ai […]
Është rasti i ndërhyrjes në vullnetin e qytetarëve romë dhe boshnjakë dhe ai i rrahjes së birit të politikanit Nenad Rashiq që ka provokuar reagimin e ish kryetarit të VV-së, Visar Ymerit.
Ai e ka quajtur sulmin ndaj djalit të Rashiqit si “sulm ndaj demokracisë, lirisë, por edhe ndaj Republikës.”
“Ky sulm nuk mund të ndahet nga ndërhyrja flagrante të pushtetit të Serbisë (nëpërmjet Listës Serbe) në vullnetin politik të komunitetit boshnjak dhe atij rom të Kosovës, duke e “bartur” përfaqësimin e tyre në vendet e rezervuara në Kuvendin e Republikës, sipas nevojave të Vuçiqit dhe Beogradit zyrtar. Ky shtrembërim i vullnetit politik rrezikon përfaqësimin autentik të këtyre komuniteteve, që është shkelje flagrante e të drejtave të tyre njerëzore dhe qytetare.” – ka shkruar z.Ymeri, përcjell Periskopi.
Reagimi i plotë:
SULMI NDAJ DJALIT TË NENAD RASHIQIT DHE SHTREMBËRIMI I VULLNETIT ZGJEDHOR TË BOSHNJAKËVE DHE ROMËVE JANË PJESË E PANDASHME E NDËRHYRJEVE TË PUSHTETIT TË SERBISË
Sulmi i djeshëm ndaj djalit të Nenad Rashiqit, ish-ministër dhe ish-deputet i Republikës së Kosovës, është sulm ndaj demokracisë, lirisë, por edhe ndaj Republikës. Si i tillë është i papranueshëm dhe i dënueshëm. Organet e rendit duhet ta zbardhin këtë sulm me prioritet dhe fajtorët të gjykohen e dënohen.
Nuk është hera e parë që politikanët serbë të Kosovës janë viktimë e vrasjeve dhe dhunës politike, vetëm sepse kundërshtojnë homogjenizimin dhe instrumentalizimin e serbëve të Kosovës për interesat e pushtetit në Beograd (në vete autoritar dhe antipluralist).
Ky sulm nuk mund të ndahet nga ndërhyrja flagrante të pushtetit të Serbisë (nëpërmjet Listës Serbe) në vullnetin politik të komunitetit boshnjak dhe atij rom të Kosovës, duke e “bartur” përfaqësimin e tyre në vendet e rezervuara në Kuvendin e Republikës, sipas nevojave të Vuçiqit dhe Beogradit zyrtar. Ky shtrembërim i vullnetit politik rrezikon përfaqësimin autentik të këtyre komuniteteve, që është shkelje flagrante e të drejtave të tyre njerëzore dhe qytetare.
Në rrethana të tilla, institucionet nuk mund të mos veprojnë, duke mos mbrojtur kushtetutshmërinë dhe ligjshmërinë në vend. Të dyja po shkelen brutalisht këto ditë nga pushteti i Serbisë.
