4 orë më parëShpërthen Lenjani: Po prezantoni suksese por i kemi harruar të sëmurët e tjerë – i kemi veç 22 shtretër, jam i pafuqishëm
Periskopi(5 vite më parë)
(5 vite më parë)Drejtori i Emergjencës në QKUK, Basri Lenjani, ka shpërthyer në mbledhjen e Komitetit për vlerësimin e situatës me koronavirus. “Të mendojmë edhe për të sëmurët që kanë nevojë për ndërhyrje operative apo ndërhyrje të tjera. Agjencionet që po prezantojnë sukseset dhe përparimet, unë kam mëdyshje, ejani vizitoni shërbimin emergjent, ku ka mbipopullim, nuk ka vende […]
Drejtori i Emergjencës në QKUK, Basri Lenjani, ka shpërthyer në mbledhjen e Komitetit për vlerësimin e situatës me koronavirus.
“Të mendojmë edhe për të sëmurët që kanë nevojë për ndërhyrje operative apo ndërhyrje të tjera. Agjencionet që po prezantojnë sukseset dhe përparimet, unë kam mëdyshje, ejani vizitoni shërbimin emergjent, ku ka mbipopullim, nuk ka vende në mjekimin intensiv. Duhet të jemi më syhapur.
Aty janë njerëzit tonë, familjarët tonë që kërkojnë shërbime të marrin brenda Shërbimit Spitalor”, ka thënë Lenjani, shkruan Periskopi.
A jemi të interesuar t’i hapim lokalet e ti mbushim spitalet? Pas zgjedhjeve po kemi rritje të numrit, me 22 shtretër dhe të sëmurët që vijnë në gjendje të rëndë qoftë nga mjekësia parësore, jam i pafuqishëm t’i mbështes.
Të merren masat për ta menaxhuar situatën që po na vjen. Të jemi të kujdesshëm e të mos i krijojmë vetes komoditet.
Ndërkohë, ministri Zemaj i është përgjigjur Lenjanit:
“Doktor Basri mendoj që kjo është temë për diskutim në Komitetin e juaj, sidoqë të jetë, jemi të interesuar të kthehen të gjitha shërbimet spitalore”, ka thënë Zemaj./PERISKOPI/
