Presidenti Biden i rreptë me Lindjen e Mesme – E heq nga lista e prioriteteve

Sinjalet nuk janë të menduara që të jenë delikate, kanë thënë këshilltarët e tij. Presidenti e ka bërë vetëm një thirrje te një lider shteti në Lindje të Mesme – dhe atë te kryeministri izraelit Benjamin Netanyahu të mërkurën – thirrje kjo që ishte shtyrë për më shumë se tri javë.

Ai kishte njoftuar dhënien fund të mbështetjes amerikane për operacionet e udhëhequra nga sauditët në Jemen në dy javët në detyrë, një veprim i paraprirë nga ngrirja e marrëveshjeve për shitje të armëve në rajon, shkruan Politico, përkthen Periskopi.

Dhe administrata e tij me qëllim ka vendosur që të heqë nga lista e prioriteteve atë të Lindjes së Mesme.

“Nëse do të shihni listën e rajoneve që Bideni i ka prioritet, Lindja e Mesme nuk është mes tri të parave,” ka thënë një këshilltar i afërt i Bidenit. “Së pari është Azia-Paqësori, më pas Evropa, dhe e treta është Hemisfera Perëndimore. Dhe kjo e reflekton një konsensus mbi-partiak që çështjet që kërkojnë vëmendjen tonë kanë ndryshuar derisa gara e fuqive të mëdha [me Kinën dhe Rusinë] po nxjerr krye.”

Një tjetër këshilltar i Bidenit e tha edhe më me rreptësi: “Ata thjesht po e bëjnë skajshëm të qëllimshme që nuk duan të zhyten në Lindje të Mesme.”

Ky ndryshim prioritetesh ka të bëj me atë që e kanë përshkruar si përpjekje e qëllimshme për të prioritetizuar atë që ata i shohin si çështje më të rëndësishme globale.

Presidenti e ka një histori të gjatë dhe torturuese në Lindje të Mesme. Ai kishte votuar kundër Luftës në Irak më 1991, të cilën ShBA-ja e kishte fituar shpejt. Por më pas ai kishte kaluar një rezolutë ku autorizonte presidentin George W. Bush që të invadonte Irakun më 2003, një votë për të cilën ka thënë se i ka rënë pishman.

Në vitin 2007, derisa po garonte për president, ai kishte propozuar një plan që do ta ndante Irakun në tri rajone gjysmë-autonome që do të mbaheshin nga shiitët, sunitët dhe kurdët. /Periskopi