PDK në Lipjan: Zyrtarët e arrestuar ishin pjesë e LDK-së, kishin mbështetje të kryetarit Imri Ahmeti

Sipas degës së PDK në Lipjan “Zyrtarët e dyshuar janë pjesë e strukturave të LDK-së në Lipjan dhe kanë patur mbështetje të fuqishme nga kryetari Ahmeti.”

Postimi:

Dega e PDK-së në Lipjan, në vazhdimësi ka ngritur zërin dhe ka ofrua fakte për keqmenaxhimin dhe keqpërdorimin e detyrës zyrtare nga komuna e Lipjanit.

Ne mbështesim aksionet dhe punën e organeve kompetente që vepruan sot edhe në komunën e Lipjanit për të ndaluar keqpërdorimin e zyrtarëve komunal.

Zyrtarët e dyshuar janë pjesë e strukturave të LDK-së në Lipjan dhe kanë patur mbështetje të fuqishme nga kryetari Ahmeti.

Madje ne mendojmë se çdo keqpërdorim i detyrës zyrtare nga administrata, bëhet nën motivimin që iu vie zyrtarëve të administratës e në veçanti drejtorëve nga ana e kryetarit Ahmeti i cili në vazhdimësi bënë diskriminim në ofrimin e shërbimeve komunale, për çfarë e kemi ngritur zërin në vazhdimësi.

Ne i inkurajojmë të gjithë qytetarët e Lipjanit që tē reagojnë institucionalisht për çfardo shkelje, detyrimi, diskriminimi e pengimi që iu bëhet nga ana e udhëheqjes së komunës tonë.

Ne inkurajojmë organet kompetente që të vazhdojnē madje ex officio që të hetojnë të gjitha drejtoritë sepse komuna e Lipjanit është e stërmbushur me shkelje ligjore për këto 8 vite qeverisjeje.

Në vijim po paraqesim reagimet tona si degë për keq-qeverisjen e shkeljet ligjore nga zyrtarët dhe kryetari i komunës në Lipjan.