5 orë më parëNenad Rashiq flet për gjendjen shëndetësore të djalit të tij: Dhuna fizike është prezente çdo ditë
Periskopi(5 vite më parë)
(5 vite më parë)Politikani serb në Kosovë, ka folur pas rrahjes së djalit të tij sot gjatë ditës në Graçanicë. “Djali tani është në shtëpi. Nesër do t’i vazhdojmë kontrollet e mëtutjeshme. Pas përfundimit të shkollës, ka qenë një grup rreth 30 persona, që përveç boksave të hekurt, ata kanë pasur edhe çekiçë e thika. Unë kam pranuar […]
“Djali tani është në shtëpi. Nesër do t’i vazhdojmë kontrollet e mëtutjeshme. Pas përfundimit të shkollës, ka qenë një grup rreth 30 persona, që përveç boksave të hekurt, ata kanë pasur edhe çekiçë e thika. Unë kam pranuar që duhet ta paguaj çmimin e ideologjisë që kam, por me të vërtetë unë nuk kam pritur që djali im duhet ta pagujanë çmimin kaq jornomal”, tha Rashiqi në “kallxo pernime, transmeton Periskopi.
Rashiq ka thënë se para çdo zgjedhjeve ka persona që bëjnë presion e ushtrojnë dhunë ndaj tyre.
“Gjithmonë vijnë para zgjedhjeve do bildera që po shëtisin ka 5-10 veta, dhuna fizike është prezent çdo ditë veçanërisht para zgjedhjeve. Edhe policia e dijnë që janë aty”
“Një torturë e serbëve ndaj serbëve. Unë që 8 vjet po e deklarojë këtë. Nuk di që ka pas ndonjë reagim nga policia”, ka thënë ai.
Ndërkohë, Prokuroria Themelore në Prishtinë, u ka caktuar për 48 orë masën e ndalimit tetë të dyshuarve për rrahjen e djalit të politikanit serb, Nenad Rashiq.
“Prokuroria Themelore në Prishtinë, Departamenti i Përgjithshëm, me aktvendim të Prokurorit të Shtetit, ka ndaluar për 48 orë personat me inicialet C.Z., B.Z., M.R., D.N., M.J., D.T., L.K., dhe një të mitur, pasi të njëjtit dyshohen se kanë kryer veprën penale “Pjesëmarrja në rrahje”, nga neni 187 të Kodit Penal të Republikës së Kosovës”, thuhet në njoftim.
