6 orë më parëKryeshefi i arrestuar ishte emëruar në pozitë gjatë Qeverisë Kurti
Periskopi(5 vite më parë)
(5 vite më parë)Sot janë arrestuar katër zyrtarë të lartë të Agjencisë për Zhvillim të Bujqësisë – përfshirë edhe u.d. të kryeshefit të saj, Agim Nuhën. Por, kush e emëroi z.Nuha në këtë pozitë kaq të rëndësishme? Në fakt, kjo agjenci kishte mbetur pa kryeshef vitin e kaluar dhe me ardhjen e Qeverisë Kurti ishte ndërmarrë veprimi i […]
Në fakt, kjo agjenci kishte mbetur pa kryeshef vitin e kaluar dhe me ardhjen e Qeverisë Kurti ishte ndërmarrë veprimi i parë.
Ishte ministri Besjan Mustafa ai që kishte emëruar si u.d. të kryeshefit të AZhB-së z.Nuha, që më herët kishte shërbyer si drejtor për financa në të njëjtën agjenci.
Ky emërim kishte ndodhur në fund të shkurtit 2020, pra rreth 3 javë pasi Albin Kurti kishte marrë pushtetin, përcjell Periskopi.
Edhe aktivisti politik Arton Muhaxheri ka thënë se “Po flasim për të arrestuar të cilët janë emëruar në qeverinë e z.Kurti.” pas aksionit të sotëm.
Nuk dihet nëse është i ndërlidhur, por ky aksion po vazhdon edhe në qytete të tjera të Kosovës.
Besohet se arrestimet janë kryer për shkak të dyshimeve për keqpërdorime me subvencione./Periskopi
