Kabllogrami i Ambasadës amerikane rreth Covid-19 në Kosovë, reagon Blerim Latifi

Profesori universitar Blerim Latifi ka reaguar nëpërmjet Facebookut pas kabllogramit të Ambasadës së Shteteve të Bashkuara të Amerikës në Kosovë.

Në kabllogramin e nënshkruar nga ambasadori Philip Konsett, Kosova paraqitet si “e rrënuar nga pandemia”.

Latifi kritikon që gjithë këto probleme në vendin tonë ‘arsyetohen me frazën: “hajt more se bohet mirë”.

Shkrimi i plotë i Latifit në Facebook:

Covidi e ka rrënu Kosovën, ndërsa kosovarët sillen sikur nuk ka virus, e qentë endacakë po i sulmojnë stafin e ambasadës”, thotë kabllogrami zyrtar i Ambasadës amerikane në Prishtinë. Kjo ka veç një shpjegim: ne jemi mësuar të jetojmë në gjendje të jashtëzakonshme, jemi mësuar të bashkëjetojmë me të keqen e të mos ndihemi të befasuar nga shkelja e ligjit, dhe qentë endacakë, që na sillen nëpër këmbë ditë e natë, janë simbol i kësaj tradite. Dhe krejt këtë e arsyetojmë me frazën “Hajt more se bohet mirë!”