Heshtje në Serbi, mediat atje asnjë fjalë për njohjen e Kosovës nga Izraeli

Edhe pse kjo ngjarje ishte ndër kryesoret në rajon dhe me gjerë, mediat dhe zyrtarët serb nuk është se i kanë dhënë ndonjë rendësi.

Në raportimet e mediave atje, kryetema ishte vizita e presidentit serb në Francë, ndërsa vetëm mes rreshtave është përmendur edhe ngjarja historike që Kosova është njohur edhe zyrtarisht nga një ndër shtetet me të fuqishme dhe me një ndikim të madh në marrëdhëniet ndërkombëtare.

Vetëm pas  takimit me Presidentin e Francës, Emanuel Makoron, Vucic i pyetur për njohjen e Kosovës nga Izraeli, tha se pas vendosjes së marrëdhënieve diplomatike, asnjë vend mysliman nuk do të dëshirojë të njohë pavarësinë e Kosovës.

Kosova dhe Izraeli kanë zyrtarizuar njohjen në një ceremoni virtuale të mbajtur sot. Ndërsa shumë media nderkombëtare kanë shkruar për këtë ngjarje.

Kjo është hera e parë që Izraeli vendos marrëdhënie me një vend virtualisht.

Duhet theksuar se është bërë edhe mbyllja e aeroportit ‘Ben Gurion’, në mënyrë që të parandalohet përhapja e koronavirusit ceremonia nuk mundej të mbahej duke marrë pjesë fizikisht, por vetëm virtualisht.

Kjo njohje ishte arritur me marrëveshjen e nënshkruar në Shtëpinë e Bardhë, në Washington me 4 shtator të 2020.

Kosova deri më tani nuk e kishte njohur Izraelin jo sepse shumica e saj myslimane ishte kundër saj, por sepse Izraeli ende nuk e kishte njohur Kosovën. Për ironi të fatit, Izraeli refuzoi të njohë Kosovën sepse nuk dëshironte të mbështeste një deklaratë të njëanshme të shtetësisë, për të cilën Jeruzalemi kishte frikë se mund të krijonte një precedent të rrezikshëm të ndjekur nga palestinezët, sipas The Times of Israel.