5 orë më parëGjermania bën historinë: Dënohet oficeri i parë i Assadit të Sirisë për krime kundër njerëzimit
Periskopi(5 vite më parë)
(5 vite më parë)Një gjykatë në Gjermani e ka dënuar një ish oficer të regjimit sirian për krime kundër njerëzimit, në gjykimin e parë të njerëzve të lidhur me qeverinë në Damask. Ish oficeri i inteligjencës, Eyad al-Gharip, 44 vjeçar, u dënua me katër vjet e gjysmë burgim për ndihmën që kishte dhënë në kryerjen e krimeve kundër […]
Ish oficeri i inteligjencës, Eyad al-Gharip, 44 vjeçar, u dënua me katër vjet e gjysmë burgim për ndihmën që kishte dhënë në kryerjen e krimeve kundër njerëzimit, shkruan CNN, përkthen Periskopi.
Gharibi u dënua për ndihmën që kishte dhënë në transportimin e 30 protestuesve të burgosur, pavarësisht se e dinte që ata do t’i nënshtroheshin torturave sistematike në burgun ku po dërgoheshin, sipas prokurorëve. Protestuesit ishin rrahur gjatë rrugës për në burg.
Ky oficer ishte arrestuar në Berlin bashkë me eprorin e tij, Anwar Rasianin në shkurt të 2019-s, nën principin e jurisdiksionit universal, që i jep gjykatës kombëtare jurisdiksion mbi krime të rënda kundër ligjit ndërkombëtar, edhe nëse nuk janë kryer në territorin e atij vendi.
Rasiani, një oficer shumë i lartë i inteligjencës siriane, ende është në proces të gjykimit. Ai po akuzohet për mbikëqyrjen e torturimit të të paktën 4 mijë të burgosurve gjatë kryengritjes siriane. Të paktën 58 të burgosur kishin vdekur. Edhe dhunime dhe sulme seksuale besohet se kanë ndodhur në të paktën një rast.
Regjimi i Bashar al-Assadit është akuzuar vazhdimisht për krime lufte dhe krime kundër njerëzimit gjatë periudhës gati 10 vjeçare prej nisjes së luftës. /Periskopi
