4 orë më parëFamilja e Malcolm X-it kërkon rihapjen e hetimit për vrasje
Periskopi(5 vite më parë)
(5 vite më parë)Vajzat e liderit amerikan për të drejta civile, Malcolm X, kanë kërkuar që hetimi për vrasjen e babait të tyre të rihapet pas daljes së provave të reja. Ato citojnë një letër në grahmat e fundit nga një person që ishte polic në kohën e vrasjes, më 1965, e që pretendonte se policia e Nju […]
Ato citojnë një letër në grahmat e fundit nga një person që ishte polic në kohën e vrasjes, më 1965, e që pretendonte se policia e Nju Jorkut dhe FBI konspiruan në vrasje.
Raymond Wood shkroi se përgjegjësia e tij ishte të sigurohej që ekipi që merrej me sigurinë e Malcolm X-it të arrestohej disa ditë para se ai të qëllohej për vdekje në Manhattan, ka thënë familja, raporton BBC, përkthen Periskopi.
Tre njerëz janë dënuar për vrasjen në fjalë.
Këta të fundit – anëtarë të lëvizjes “Kombi i Islamit” [Nation of Islam] – kishin marrë dënim me burgim të përjetshëm. Njëri prej tyre ka vdekur, ndërsa dy të tjerët janë liruar me kusht.
Në kohën kur ishte qëlluar, Malcolm X-i i kishte moderuar mesazhet e tij militante të separatizmit të zi.
Sidoqoftë, ai kishte mbetur një avokues pasionant i unitetit të zezakëve, vetërespektit dhe vetëqëndrueshmërisë. /Periskopi
