4 orë më parëAvokat Koci i çon të fala “Parisit e Berlinit” në shqip: E keni humbë kredibilitetin, veç ta dini
Periskopi(5 vite më parë)
(5 vite më parë)Avokati i mirënjohur kosovar, Arianit Koci, i ka bërë “të fala Parisit e Berlinit” me një qortim të rreptë në lidhje me mos-liberalizimin e vizave për Kosovën dhe në lidhje me dialogun. Për fat të keq, mesazhi i z.Koci është shkruar në gjuhën shqipe dhe zor se do të kuptohet nga ndonjë diplomat francez, apo […]
Për fat të keq, mesazhi i z.Koci është shkruar në gjuhën shqipe dhe zor se do të kuptohet nga ndonjë diplomat francez, apo gjerman.
Ai duket më shumë i dedikuar për konsum të brendshëm në opinionin kosovar.
Sidoqoftë, Koci ka pyetur dyshen e vendeve më të forta të Bashkimit Evropian se “pse duhet të vazhdojë dialogu në këtë mënyrë dhe format?”
Po ashtu, ai i ka thënë të dyja vendeve se “e kanë humbur kredibilitetin” në raport me Kosovën, përcjell Periskopi.
Statusi i plotë:
Tandemi Berlin-Paris po kërkon që sa më shpejt të formohet qeveria e re dhe të zgjidhet Presidenti i Kosovës.
Të njejtit, po thonë se janë të gatshëm që ta mbështesin dialogun me Serbinë.
Në rregull!
Së pari, dyshe e nderuar, si gjest i vullnetit të mirë, a po na tregoni se pse deri tani, gati 15 vite pasi që krejt regjionit iu kanë liberalizuar vizat (Serbi, Mali i Zi, Maqedoni, Shqipëri) – Kosova është e izoluar?
Po ashtu, a po na tregoni kur do të na hiqen vizat?
2022, 2024, 2030 apo kurrë?
Na keni premtuar që sa kohë!
Përndryshe, e keni humbë kredibilitetin – veç ta dini!
Në anën tjetër, zotërinj të nderuar, deri tani, prej dialogut Kosova vetëm po humbë, e Serbia po fiton.
Pse duhet të vazhdoj dialogu në këtë mënyrë dhe format?
Ps. Nëse me mos-liberalizim po doni t’i ndëshkoni politikanët (me të drejtë) – duhet ta kuptoni që në këtë mënyrë po e ndëshkoni popullin e Kosovës.
Politikanët, ashtu kështu kanë viza, e shumë prej tyre edhe nënshtetësi të Shqipërisë.
