”A e din çka është rrahja, hajdeni të mitë”: Thirrje nga serbët derisa po sulmonin djalin e Rashiqit

Djali i politikanit serb të Kosovës, Nenad Rashiqit, është rrahur sot gjatë ditës. Deri më tani, Policia e Kosovës ka dhënë detaje se në lidhje me rastin janë shoqëruar 8 persona, prej tyre një i mitur.

Nikolla Rashiq, djali i Nenad Rashiqit, është rrahur nga disa persona në fshatin Llapnasellë të Graçanicës derisa po dilte nga shkolla ku vijon mësimet.

Këtë gjatë ditës e ka konfirmuar shkurt për Reporteri.net Nenad Rashiq.

“Po është rrahur, gjendja shëndetësore e djalit është e mirë”, ka thënë shkurt, Rashiq.

Reporteri.net ka arritur të sigurojë videon e momentit të sulmit ndaj djalit të politikanit serb, Rashiq.

Siç shihet në pamje, përreth djalit të Rashiqit janë të grumbulluar shumë persona.

Në video shihet se është goditur nga shumë persona.

Siç shihet në pamjet e reporteri.net, djali i Nenad Rashiq, dyshohet se gjendej i rrethuar nga një grup njerëzish.

Disa në mesin e tyre, regjistrojnë momentin e sulmit, dhe komentojnë atë në gjuhën serbe.

Aty dëgjohen thirrje të njërit prej të pranishmëve, për t’ju bashkuar grupit prej 20 personash për të vazhduar sulmin nisur ndaj djalit të ish-ministrit serb.
”A e din çka është rrahja, hajdeni të mitë”..

Mes tjerash, dëgjohen thirrje që rrahja të vazhdojë ”në emër të serbëve, në emër të Kosovo Metohisë dhe në emër të partive serbe, për partitë e Rashkës dhe Prizrenit”.