Vuçiq pozon si ‘kampion i demokracisë’ në Samitin për Demokraci: Tubim tepër i rëndësishëm

Edhe Serbia, ashtu si Kosova, nuk ishin ftuar menjëherë në Samitin për Demokracinë ku nikoqir është presidenti amerikan Joe Biden.

Gjatë samitit online për Demokraci, Vuçiq në një adresim të inçizuar theksoi që ishte “shumë pozitive që Amerika kishte njohur nevojën për të organizuar një tubim ku promovohen dhe nënvizohen vlerat demokratike në kohën kur bota flet për krizën e demokracisë.”

“Tubimi është ekstremisht i rëndësishëm për të përforcuar vlerat demokratike tnë nivel global. Serbia po e bën një përpjekje të vazhdueshme për ta forcuar shoqërinë demokratike në të cilin çdo qytetar shijon të drejta të plota dhe mundësi të plota për të zhvilluar potencialet në të gjitha aspektet, sociale, kulturore, politike dhe ekonomike,” – vazhdoi ai.

Presidenti i Serbisë u shpreh se Serbia ishte e përkushtuar për të luftuar korrupsionin dhe për të forcuar të drejtat e njeriut. /Periskopi