Vetëplagoset një person me armë zjarri në Gjakovë

Lajmin e ka konfirmuar, zëdhënësi i policisë për rajonin e Gjakovës, Nusret Gjurkaj.

Ai ka thënë se policia është informuar nga ana e emergjencës së qytetit se një person është vetëplagosur me armë zjarri.

Gjurkaj ka treguar se i dyshuari ka deklaruar se derisa kishte qenë duke vozituar i ka shkrepur arma dhe është plagosur në këmbën e majtë.

“Nga ana e emergjencës së qytetit është informuar policia për një person i cili është vetë plagosur me armë zjarri. Me të arritur në emergjencë patrulla ka intervistuar të dyshuarin ku i dyshuari deklaron se përderisa ishte duke u vozitur me veturën e dëshmitarit të lartcekur në rrugën e lartcekur i ka shkrepur arma dhe është plagosur ne këmben e majte. Nga ana e mjekëve te dyshuarit i është dhëne tretmani mjekësor dhe gjendja e ti është jashtë rrezikut për jete. I dyshuari është hospitalizuar ne repartin e Ortopedisë”, ka treguar ai.

Gjurkaj ka thënë se me urdhër të prokurorit rasti është iniciuar si “Mbajtje në pronësi, kontroll ose posedim të paautorizuar të armëve“ dhe “Përdorim i Armës“ dhe i dyshuari lirohet ne procedure te rregullt