2 orë më parëThe Washington Post: Rusia po planifikon ofensivë kundër Ukrainës me deri 175.000 trupa
Periskopi(4 vite më parë)
(4 vite më parë)Gazeta e njohur amerikane, “The Washington Post”, raportoi të premten se Rusia është duke përgatitur një ofensivë në shumë fronte me përfshirjen e deri 175.000 trupave vitin e ardhshëm. Ky raportim erdhi pasi Ukraina paralajmëroi se një sulm i gjerë mund të jetë duke u planifikuar për muajin e ardhshëm. Përderisa tensionet mes Uashingtonit e […]
Përderisa tensionet mes Uashingtonit e Moskës po rriten për shkak të pushtimit të mundshëm rus të Ukrainës, inteligjenca amerikane ka zbuluar se Kremlini është duke planifikuar një ofensivë në shumë fronte në fillim të vitit të ardhshëm me përfshirjen e deri 175.000 trupave, sipas zyrtarëve të ShBA-së e një dokumenti të inteligjencës, të siguruar nga gazeta “The Washington Post”.
Kremlini i ka lëvizur trupat drejt kufirit me Ukrainën përderisa ka kërkuar që Uashingtoni të garantojë që Ukraina nuk do të bëhet pjesë e NATO-s dhe se aleanca do të përmbahet nga aktivitete të caktuara ushtarake në dhe përreth territorit të Ukrainës. Kriza ka nxitur frikë për një luftë të përtërirë në tokën evropiane dhe vjen para një takimi të planifikuar virtual javën e ardhshme mes presidentëve Joe Biden të ShBA-së e Vladimir Putin të Rusisë, përcjell Gazeta Express.
“Planet ruse bëjnë thirrje për një ofensivë ushtarake kundër Ukrainës në fillim të vitit 2022 me një shkallë forcash dyfish më të madhe se ajo që e kemi parë në pranverën e kaluar gjatë ushtrimeve të Rusisë afër kufijve të Ukrainës”, tha një zyrtar i administratës amerikane, duke folur në kushte anonimiteti. “Planet përfshijnë lëvizje të gjerë të 100 grupeve taktive të batalioneve me një personel të vlerësuar prej 175.000 pjesëtarësh, bashkë me mjete të blinduara, artileri e pajisje”, shtoi zyrtari.
Dokumenti i paklasifikuar i inteligjencës amerikane, i siguruar nga gazeta prestigjioze, në të cilin përfshihen fotografi satelitore, shfaq forca ruse të grumbulluara në katër vende. Sipas këtij dokumenti, tash për tash janë të angazhuara 50 grupe taktike të fushëbetejave, bashkë me tanke e artileri “që kanë arritur së fundi”.
Përderisa Ukraina ka vlerësuar se Rusia ka përafërshisht 94.000 trupa afër kufirit, dokumenti amerikan thotë se kjo shifër është 70.000, por parashikon një grumbullim deri në 175.000 ushtarë dhe përshkruan lëvizje të gjerë të grupeve taktike të batalioneve drejt dhe nga kufiri “për t’i turbulluar qëllimet dhe për të krijuar paqartësi”.
Analiza amerikane e planeve ruse është e mbështetur pjesërisht në imazhet satelitore që “shfaqin njësi të ardhura së fundi në vende të ndryshme përgjatë kufirit të Ukrainës gjatë muajit të kaluar”, tha zyrtari amerikan.
