5 orë më parëSveçla për aksionin që para një viti e nisi Agim Veliu: Është goditur rrjeti i kazinove
Periskopi(4 vite më parë)
(4 vite më parë)Ministri i Punëve të Brendshme, Xhelal Sveçla ka reaguar lidhur me aksionin policor kundër kazinove që po zhvillohet në fshatin Karaçevë të Kamenicës. Ai e ka quajtur aksion të suksesshëm të Policisë, ku edhe tregon se janë rrënuar objektet ilegale ku po zhvilloheshin lojërat e fatit. Sveçla ka theksuar se sot është goditur rrjeti i […]
Ministri i Punëve të Brendshme, Xhelal Sveçla ka reaguar lidhur me aksionin policor kundër kazinove që po zhvillohet në fshatin Karaçevë të Kamenicës.
Ai e ka quajtur aksion të suksesshëm të Policisë, ku edhe tregon se janë rrënuar objektet ilegale ku po zhvilloheshin lojërat e fatit. Sveçla ka theksuar se sot është goditur rrjeti i kazinove ilegale në këtë zonë.
“Edhe një aksion i suksesshëm i Policisë së Kosovës. Në bashkëpunim dhe koordinim me Prokurorinë Themelore në Gjilan dhe me autoritet komunale të Dardanës sot u godit rrjeti i kazinove ilegale në zonën e fshatit Karaqevë. Pas konfiskimit të aparatave për lojërat e bixhozit, u rrënuan objektet e ndërtuara ilegale si dhe arrestimet e personave të përfshirë në këtë aktivitet kriminal po vazhdojnë edhe në këto momente”, ka shkruar Sveçla.
Ndërkohë që KosovaPress ka shkruar lidhur me aksionin e sotëm dhe arrestimet që janë bërë gjatë këtij aksioni si dhe konfiskimit të aparateve të lojërave të fatit.
