5 orë më parëSocialdemokrat Kukaj: Qe dëshmia tjetër se Qeveria kërkon më shumë kontroll në shoqëri
Periskopi(4 vite më parë)
(4 vite më parë)Dren Kukaj nga PSD-ja ka kritikuar ashpër vendimin e Qeverisë së Kosovës që t’i përfshijë profesorët universitarë dhe mjekët si kategori në listën e atyre që duhet të prezantojnë pasurinë. Kushdo që nuk prezanton në afat pasurinë e tyre në Agjencinë Anti-Korrupsion do të mund të përballet madje me dënim me burg. E gjithë kjo […]
Kushdo që nuk prezanton në afat pasurinë e tyre në Agjencinë Anti-Korrupsion do të mund të përballet madje me dënim me burg.
E gjithë kjo vjen në kohën kur sindikalistët e arsimit dhe ata të shëndetësisë kanë shprehur kërkesat e tyre para Qeverisë Kurti I.
E Kukaj shprehet se kjo është përgjigja e Kurtit para kërkesave të tyre, duke thënë se me një gjë të tillë po e dëshmojnë se duan më shumë kontroll në shoqëri.
“Pse do duhej neve si shoqëri të na interesonte pasuria e mjekëve e profesorëve kur dihet se nuk kanë asnjë relevancë domethënëse vendimmarrëse? Kjo qartazi i duhet dikujt që ka nevojë për më shumë kontroll” – ka shkruar z. Kukaj, përcjell Periskopi.
Statusi i plotë:
Qeveria nuk po ndalet nga veprimet për më shumë kontroll shoqëror. Kësaj radhe, kërkësave sindikale për paga më të dinjitetshme për sfafin mjekësor (në ikje) i’u përgjigj duke propozuar që ata të paraqesin pasurinë e tyre. Atyre i’u shtuan edhe profesorët universitarë.
Pse do duhej neve si shoqëri të na interesonte pasuria e mjekëve e profesorëve kur dihet se nuk kanë asnjë relevancë domethënëse vendimmarrëse? Kjo qartazi i duhet dikujt që ka nevojë për më shumë kontroll. Ky vendim sikurse edhe shumë tjerë duket se e kanë një qasje të përbashkët – po i trajtojnë qytëtarët tanë të fajshëm për tu shfajësuar pastaj vetëm përmes mekanizmave të kontrollit të kësaj qeverie. Kontrolli lidhet ngushtë me frikë e pasiguri. Kjo nuk është dukuri e shoqërive të lira.
Ky vendim po rritë listën e provave të padiskutueshme se demokracia në vend po cenohet seriozosht nga kjo qeveri.
