7 orë më parëSi ndodhi vrasja e 21 vjeçarit në oborrin e shkollës në Hajvali, flasin familja
Periskopi(4 vite më parë)
(4 vite më parë)V.H. ka vdekur të premten mbrëma, pasi i njëjti dyshohet se u goditë për vdekje disa herë me thikë në Hajvali të Prishtinës. Siç raporton Klan Kosova, rasti ka ndodhur si pasojë e një zënke me fjalë që viktima e pati me dy persona të tjerë. Mirëpo sipas familjarit të të ndjerit, ai nuk pati […]
Siç raporton Klan Kosova, rasti ka ndodhur si pasojë e një zënke me fjalë që viktima e pati me dy persona të tjerë.
Mirëpo sipas familjarit të të ndjerit, ai nuk pati kurrfarë problemesh me askënd.
“Nuk e di çka kanë pas ata në mes veti, me atë familje jo. As nuk e njohim, as nuk na njeh”, tha familjari.
Të njëjtit kanë thënë se këtë punë ia kanë besuar tashmë organeve të drejtësisë.
Varrimi i viktimës është bërë të shtunën pasdite.
Sipas raportit 24 orësh të Policisë, për rastin, janë arrestuar tre të dyshuar, kurse trupi i viktimës është dërguar për obduksion në Institutin e Mjekësisë Ligjore.
“Hajvali 10.12.2021 – 21:35. Është raportuar se pas një incidenti të ndodhur mes tre personave të dyshuar meshkuj kosovarë dhe viktimës mashkull kosovar, ky i fundit dyshohet se është sulmuar me thikë dhe si pasojë e lëndimeve të rënda ka ndërruar jetë në QKUK. Tre të dyshuarit janë arrestuar dhe me urdhër të prokurorit janë dërguar në mbajtje kurse trupi i pajetë i viktimës është dërguar në Institutin e mjekësisë Ligjore për obduksion”, thuhet në raportin e Policisë.
