“SHBA-ja në janar do të shpallë ‘non grata’ politikanë nga Kosova, Serbia, RS e Mali i Zi”

Në një postim në Twitter, ky institut pohon se goditja e SHBA-së do të ndodhë në muajin janar të vitit të ardhshëm.

Zyrtarët që pritet të futen në ‘listën e zezë’ amerikane thuhet se vijnë nga Serbia, Republika Srpska dhe Mali i Zi dhe Kosova.

“Në janar, Shtetet e Bashkuara do të vendosin sanksione ndaj individëve nga Ballkani. Bazuar në Ligjin Magnetik. Sanksionet do të vendosen ndaj një pjese të komunitetit politik dhe të biznesit në Serbi, Republika Srpska, Mal të Zi dhe Kosovë”, shkruan ky institut në Twitter.

Institucioni në fjalë thotë se është i përkushtuar ndaj sigurisë globale.

“Edhe pse jemi të vendosur në Ballkan, në Beograd, në Serbi, pikëpamjet tona për sigurinë moderne janë globale. Barrën e rëndë të së shkuarës sonë të afërt e konsiderojmë si një përvojë të rëndësishme dhe si një avantazh në punën tonë, sepse po e analizojmë në mënyrë profesionale, racionale dhe pa paragjykime”, thuhet në web-faqen e këtij instituti.

Drejtor i këtij instituti është Orhan Dragash, ish-politikan dhe aktivist i zëshëm në luftën kundër regjimit të presidentit të atëhershëm serb, kasapit të Ballkanit, Sllobodan Millosheviq në vitet ’90. Gjatë asaj kohe ai kishte organizuar dhe drejtuar aksione dhe fushata të shumta që synonin promovimin e të drejtave të njeriut, pajtimin në rajonin e Ballkanit dhe qëndrimin kundë luftës.