6 orë më parëRusia urdhëron largimin e një pjese të stafit të ambasadës amerikane
Periskopi(5 vite më parë)
(5 vite më parë)Rusia tha të mërkurën se ka urdhëruar që një pjesë e stafit të ambasadës amerikane në Moskë të kthehet në shtëpi deri më 31 janar. Kjo masë hakmarrëse vjen pas atij që Moska e cilësoi vendim të ShBA-së për kufizimin e mandatit të diplomatëve rusë. Vendimi i Rusisë erdhi si pjesë e eskalimit të mosmarrëveshjes […]
Vendimi i Rusisë erdhi si pjesë e eskalimit të mosmarrëveshjes diplomatike. Ambasadori rus në Uashington tha javën e kaluar se 27 diplomatë rusë dhe familjet e tyre po dëbohen nga Shtetet e Bashkuara dhe se do të largohen nga ky vend më 30 janar.
“Ne synojmë të përgjigjemi në mënyrë përkatëse. Punëtorët e ambasadës së ShBA-së, që kanë qenë në Moskë për më shumë se tre vjet, duhet të largohen nga Rusia më 31 janar”, tha zëdhënësja e Ministrisë së Jashtme të Rusisë, Maria Zakharova.
Agjencia e lajmeve, RIA, e citoi këtë zyrtare të ketë thënë se rregullat e reja të ShBA-së nënkuptojnë që diplomatët rusë që janë detyruar të largohen nga Shtetet e Bashkuara gjithashtu nuk kanë të drejtë të punojnë si diplomatë në ShBA për tre vjet, shkruan Reuters, transmeton Gazeta Express.
Ambasada është i vetmi mision amerikan në Rusi, pasi konsullatat në Vladivostok dhe Yekaterinburg u mbyllën, ndërsa stafi diplomatik është zvogëluar nga rreth 1.200 persona më 2017 në 120, thotë Uashingtoni.
Zëvendësministri rus i Punëve të Jashtme, Sergei Ryabkov, tha se nuk është shumë vonë për Uashingtonin që t’ia ndërpresë Moskës zbatimin e dëbimeve të reja, nëse vetë heq dorë nga planet për dëbimin e diplomatëve rusë.
