Rama: Prishtina do të jetë qytet i fëmijëve, të moshuarve, prindërve, sportistëve e artistëve

Përparim Rama edhe zyrtarisht ka marrë detyrën si kryetar i ri i Prishtinës, duke u betuar para anëtarëve të Kuvendit Komunal të Prishtinës.

Gjatë mbajtjes së mbledhjes inaguruese të Kuvendit të Komunës së Prishtinës, janë betuar anëtarët e rinj të kuvendit dhe kryetari i ri i kryeqytetit.
“Nga sot, ne iu përvishemi punëve. Prishtina do të jetë qytet i fëmijëve, të moshuarave, prindërve, sportistëve e artistëve. Vend plot mundësi, qytet i gjelbër. Me trafik të komunikueshëm e i digjitalizuar”, ka deklaruar kryetari Rama.

“Të nderuar asamblistë, si kryetar i Prishtinës, do të bashkëpunoj me secilin prej jush, për të mirën e kryeqytetit, për Prishtinën”, ka thënë Rama.
Përparim Rama nga Lidhja Demokratike e Kosovës doli fitues në raundin e dytë të zgjedhjeve lokale, ku ishte në garë në balotazh me Arben Vitinë e Lëvizjes Vetëvendosje, duke e përmbysur diferencën e lartë që ishte në raundin e parë./Periskopi