7 orë më parëLira turke në rënie, qytetarët në panik – Bëhen radhë të gjata për blerje të bukës në dyqane më të lira
Periskopi(5 vite më parë)
(5 vite më parë)Lira turke është në pikën më të ulët karshi dollarit dhe euros në javët e fundit. Devalvimi dramatik i lirës ka shkaktuar panik në mesin e turqve. Me inflacionin gati në 20 për qind çmimet e ushqimit kanë fluturuar dhe nuk dihet se kur do të stabilizohet situata. Pritjet e gjata të njerëzve për të […]
Lira turke është në pikën më të ulët karshi dollarit dhe euros në javët e fundit. Devalvimi dramatik i lirës ka shkaktuar panik në mesin e turqve. Me inflacionin gati në 20 për qind çmimet e ushqimit kanë fluturuar dhe nuk dihet se kur do të stabilizohet situata.
Pritjet e gjata të njerëzve për të blerë bukë në dyqanet më të lira janë pamje të zakonshme në javët e fundit.
Grupi i pavarur për hulumtime të inflacionit, i përbërë nga akademikë dhe ish-zyrtarë të qeverisë, ka bërë të ditur se inflacioni në Turqi ka arritur në 50 për qind.
Turqit kanë nisur të këmbejnë kursimet e tyre në monedha të huaja dhe ari, për t’u mbrojtur nga inflacioni i lartë teksa investuesit e huaj kanë nisur të braktisin asetet e Turqisë.
Humbja e vlerës së lirës ka nisur kur presidenti Recep Tayyip Erdogan ka insistuar në politikën e kritikuar për të ulur normat e interesit ani pse çmimet po ngriheshin, duke vështirësuar gjendjen ekonomike të turqve që mezi po gjejnë bukë.
Lira turke ka humbur vlerën e saj deri në 40 për qind që prej fillimit të vitit dhe është një prej monedhave më të dobëta në botë.
