4 orë më parëKurti tha ‘çmimi i rrymës shumë i lirë’: Kur VV protestonte për çmime të larta, dhe thoshte fjalë që s’i thotë më
Periskopi(4 vite më parë)
(4 vite më parë)Kryeministri i Republikës së Kosovës, Albin Kurti, gjatë seancës së sotme të Kuvendit ka deklaruar se “çmimi i energjisë elektrike” ishte i lirë dhe prandaj kjo çonte në konsum të tepër. 7 cent për megavat tha se paguante qytetari. Por, kur çmimet në vitin 2016 ishin të njëjta, Vetëvendosja e tij kishte tjetër qëndrim. Duket […]
Duket se për çdo fjalë që Albin Kurti e thotë në pushtet, ka një fjalë krejt të kundërt që e kishte thënë si opozitar.
Ai në Seancën e Kuvendit të Kosovës ku u diskutua për krizën energjetike, u shpreh se çmimet e energjisë elektrike në Kosovë “ishin të lira.”
“Ta zëmë, sot në ora 9 në mëngjes kemi qenë duke prodhuar me kapacitet të plotë me 760 megavatë… ndërsa konsumi ka qenë 1113 megavatë. Pra, konsumi është tejet i madh. Por, po konsumojmë qe besa edhe sepse energjia elektrike është lirë.” – tha z. Kurti sot.
Por, në vitin 2016, më 5 shkurt, derisa VV po e protestonte marrëveshjen me Contour global” deklaronte se privatizimi i KEDS kishte rezultuar “me ngritje të çmimeve të energjisë elektrike”.
“Ky privatizim po ndodh pas dështimit total që rrjedhoi nga privatizimi i KEDS-it, i cili rezultoi me ngritje të çmimeve të energjisë elektrike, përkeqësim të kushteve të punës për punëtorët si dhe mungesë totale e investimeve në sektorin e energjetikës.” – thoshte Vetëvendosje.
Po ashtu, kjo parti deklartonte se Kosova “ka kapacitete dhe potencialë që ta zgjidhë vetë krizën e saj energjetike”.
Nuk dihet nëse ky qëndrim do të fshihet njësoj si komunikatat e tjera të kësaj partie politike.
Për çdo rast, po e ruajmë një foto monitori të saj. /Periskopi
