6 minuta më parëKurti flet për krizën energjetike, e pranon se populli mund ta pësojë: “Ftoj ministrat të marrin masa”
Periskopi(4 vite më parë)
(4 vite më parë)Kriza energjetike në ardhje po shqetëson qytetarët edhe më shumë, ashtu si rritja e përgjithshme e çmimeve të konsumit. Së fundi, kryeministri Albin Kurti ka premtuar masa të reja duke i ftuar ministrat e tij përkatës që ta bëjnë një gjë të tillë. Duke folur për çështjen në mbledhjen e radhës së qeverisë së Kosovës, […]
Duke folur për çështjen në mbledhjen e radhës së qeverisë së Kosovës, kryeministri u shpreh si vijon:
“Deri më tash kemi arritur që të evitojmë efektet e kësaj krize falë kapaciteteve vendore për prodhimin e energjisë. Mirëpo zgjatja e gjendjes së krizës dhe rritja e konsumit sidomos gjatë muajve të dimrit, i tejkalon kapacitetet vendore dhe mundësitë financiare që ka sektori energjetik për të vazhduar përballjen me këtë krizë. Për shkak të çmimeve të larta të importit, ka përkeqësim të gjendjes së likuiditetit në këtë sektor dhe shpërputhja e madhe e çmimit të importit me çmimin e furnizimit poashtu është e paqëndrueshme nëse nuk merren masa.”
Ai u ka bërë thirrje ministrave përgjegjës që të marrin masat dhe veprimet e nevojshme për të siguruar stabilitetin e furnizimin me energji elektrike.
“Ftoj ministrat që të marrin të gjitha masat dhe veprimet e nevojshme për të siguruar stabilitetin e furnizimit me energji elektrike dhe që kjo të jetë e përballueshme për qytetarët tanë”, ka thënë Kurti.
