6 orë më parëHoti qorton Qeverinë Kurti: Ligjin e pagave e kishin të gatshëm dhe ende s’e bëtë, sindikatat s’bën t’i kapni
Periskopi(4 vite më parë)
(4 vite më parë)Ish kryeminsitri i Kosovës, Avdullah Hoti, ka qortuar qeverinë edhe për konfrontimet e saj me sindikata dhe për mos-procedimin e Ligjit të Pagave. Hoti pretendon se e ka lënë të gatshëm Ligjin e Pagave, pas adresimit të vërejtjeve të Gjykatës Kushtetutuese. Po ashtu, deputeti i LDK-së ka kritikuar pushtetin se po ka tendencë që të […]
Hoti pretendon se e ka lënë të gatshëm Ligjin e Pagave, pas adresimit të vërejtjeve të Gjykatës Kushtetutuese.
Po ashtu, deputeti i LDK-së ka kritikuar pushtetin se po ka tendencë që të ndërhyjë në pavarësinë e organizimit sindikal në Kosovë.
“Kjo sjellje eshtë e papranueshme. Sindikatat janë institucione shoqërore të veçanta, të rregulluara dhe të mbrojtura me ligj. Ato kanë bartur barrën e ndryshimeve shoqërore e politike në Kosovë në vitet më të vështira.” – ka thënë z. Hoti, përcjell Periskopi.
Hoti ka thënë se deputetët e LDK-së do të diskutojnë me kujdes amandamentimin për ndarjen e mjeteve për paga.
Statusi i plotë:
Po bëhen 9 muaj dhe ende ligji i pagave në sektorin publik nuk është sjellë në Kuvend. Ky ligj ka qenë pothuajse i gatshëm në qeverinë paraprake, ku jane adresuar vërejtjet e Gjykatës Kushtetuese.
Në anën tjetër, në vend të dialogut social me sindikata për të gjetur një zgjidhje të përballueshme për buxhetin dhe që do të ishte e pranueshme për të gjithë, ne po shohim konfrontime qeveri-sindikata dhe tendencë për ndërhyrje të qeverisë në pavarësinë e organizimit sindikal në Kosovë. Kjo sjellje eshtë e papranueshme. Sindikatat janë institucione shoqërore të veçanta, të rregulluara dhe të mbrojtura me ligj. Ato kanë bartur barrën e ndryshimeve shoqërore e politike në Kosovë në vitet më të vështira. Ato nuk janë vetëm organizata që mbrojnë interesat e punëtorëve që ato i përfaqësojnë. Është obligim shtetëror që sindikatat të jenë pjesë substanciale e konsultimeve për ligjin e pagave, si dhe për shumë ligje dhe vendime të tjera shtetëtore.
Me këtë vonesë të procedimit në Kuvend të ligjit për paga në sektorin publik dhe mosinteresim të qeverisë për të adresuar shqetësimet e sindikatave, me të drejtë deputetë të opozites marrin nisma për ndarje të buxhetit për paga.
Ne do ta diskutojme me shumë kujdes amandamentin për ndarjen e mjeteve për paga në mbledhjen e Grupit Parlamentar të LDK-se përpara seancës së Kuvendit më 22 dhjetor, kur votohet buxheti në lexim të dytë.
