Deputete Pacolli sulmon AGK-në pasi dënuan linçimet e grupit të vëllait të saj

AGK-ja dënoi gjuhën linçuese të përdorur ndaj gazetarëve nga ana e anëtarëve të grupit të ri “Me Kryeministrin”.

Dhe, në mbrojtje këtij grupi ka dalë përsëri znj. Fitore, deputete e Vetëvendosjes.

Ky grup është hapur nga disa militantë të Vetëvendosjes, e ndër të cilët ishte edhe vëllai i znj. Fitore, Fitimi, përcjell Periskopi.

“Ju thirreni në emër të lirisë së shprehjes e në anën tjetër cënoni lirinë e tjetrit.” – ka shkruar ajo, por pa u marrë me linçimet të cilat po ndodhin vazhdimisht e vazhdimisht në atë grup.

Reagimi i plotë:

Seriozisht AGK? Po mirreni me një grup të krijuar në Facebook edhe po më cilësoni kinse unë po mbështes gjuhën linçuese ndaj gazetarëve? Unë po i vësha në rrezik gazetarët?

Ku ishit ju AGK kur dje emri im u përmend në secilin portal? A nuk është ky një lloj linçimi që portalet po e bëjnë ndaj meje dhe një grupi të krijuar nga disa djemë e vajza që asnjë të keqe nuk i kanë bërë askujt? A nuk është linçim kur telefoni im nuk ndalet sepse “gazetarët” thërrasin edhe pyetjet janë jo etike?

AGK do të ishte mirë të punoni në ngritjen e etikës në media dhe besueshmërisë. Mos u frikësoni ne nuk e rrezikojmë e as nuk e kërcënojmë askënd. Nuk mund të gjeni asnjë moment kur unë kam linçuar e kërcënuar gazetarë. Nëse gjeni ju lutem dërgojeni menjëherë ama menjëherë në gjykatë. Ju lutem.

Ju thirreni në emër të lirisë së shprehjes e në anën tjetër cënoni lirinë e tjetrit.