6 orë më parëBerisha: Serbia po tallet me VV-në si me palaçot me lejet që po iu jep
Periskopi(5 vite më parë)
(5 vite më parë)Analistja e mirënjohur e çështjeve politike dhe sociale, Kimete Berisha, ka bërë një status në blogun e saj në Facebook duke sulmuar deputeten Fitore Pacolli dhe Vetëvendosjen. Ajo është marrë me ftesën për të linçuar shqiptarë në grupin e hapur nga vëllai i Fitore Pacollit, Fitimi, dhe me vizitat që zyrtarë të VV-së i kanë […]
Ajo është marrë me ftesën për të linçuar shqiptarë në grupin e hapur nga vëllai i Fitore Pacollit, Fitimi, dhe me vizitat që zyrtarë të VV-së i kanë bërë për në Serbi.
Së fundi, disa zyrtarëve të VV-së përfshirë ministren Arbërie Nagavci dhe ministrin Liburn Aliu, nuk u lejuan që të vizitonin Medvegjën, përcjell Periskopi.
“Serbia po tallet me Vetëvendosjen si me palaçot!” – ka komentuar znj. Berisha më pas.
Përveç Fitore Pacollit, në Serbi ishte lejuar të hynte më herët edhe Liburn Aliu në Beograd.
Statusi i plotë:
Serbia po e ndan Vetëvendosjen!
Serbia e lejoi Fitore Pacollin të hyjë në Shabac, por nuk e lejoi Arbërie Nagavcin të hyjë në Preshevë.
Serbia po e ndan Vetëvendosjen. Po i zgjedh njerëzit e Vetëvendosjes, si zhelet e përdorura, me vegëza të dala…
ky bën-ky s’bën!
Fitorja për Serbinë-bën!
Fitore Pacolli iu ‘ankua’ serbëve nē Shabac të Shumadisë se ‘pse nuk i keni lejuar kolegët e mij tē shkojnë në Preshevë’…
e mua më keni lejuar të vijë në Shabac.
‘A jam unë më e mirë se ata, a më e keqe’!
Fitorja u përqafua në gjirin e Shumadisë aq ngrohtë sa Shumadia ia dha të drejtën edhe të ankohet!
Se s’ka logjikë!
Pse Serbia i lejoi paret e qeverisë Kurti të deponohen në bankat e saj (për nevojat e kryetares së Preshevës), por nuk i lejoi njerëzit e qeverisë Kurti të hyjnë në Preshevë.
Serbia e Vuçiqit e lejoi Liburn Aliun ta vizitoj Beogradin, por nuk e lejoi ta vizitoj vendlindjen e tij – Medvegjën!
Patriotizëm i paparë!
Ti vendos vet ‘A është më patriote Arbëria që nuk e lejoi Vuçiqi të hyjë në Preshevë, apo Fitorja që e shkel Shabacin, si shumadiski rokenroll’!
A është më patriot Liburn Aliu kur u lejua të bëj marrëveshje me serbët në Beograd, apo kur nuk u lejua t’i vizitojë arat e Medvegjës!
Serbia po tallet me Vetëvendosjen si me palaçot!
P.S. Fitore Pacolli e lavdëroi shumë kolegen e saj serbe në Shabac të Serbisë dhe e cilësoi si grua shumë të suksesshme.
Pasi u kthye nga Shabaci, i ftoi bandën e grupit paramilitar të VV-së ‘me kryeministrin’, që t’i ri-linçojnē shqiptarët.
Nuk i ftoi t’i linçojnë serbët!
Të ishte veç idiote, hajt, por është edhe kaq bajate…
