6 orë më parëAmbasadori britanik i shkon në zyre Përparim Ramës
Periskopi(4 vite më parë)
(4 vite më parë)Ambasadori i Mbretërisë së Bashkuar, Nicholas Abbot e ka uruar Përparim Ramën për marrjen e detyrës së kryetarit të ri të Prishtinës. Këtë ai e vëri gjatë një takimi që pati dje me Ramën në Komunën e Prishtinës. Kryetari Rama tha se u dakordua me ambasadorin Abott për bashkëpunim në mes të Komunës së Prishtinës […]
Kryetari Rama tha se u dakordua me ambasadorin Abott për bashkëpunim në mes të Komunës së Prishtinës dhe Ambasadës Britanike në Kosovë.
“Ambasadori Abbott fillimisht më uroi për postin si Kryetar i ri i Komunës së Prishtinës. Gjatë bisedës u dakorduam për bashkëpunim mes Komunës së Prishtinës dhe Ambasadës Britanike në Kosovë, sepse përkrahja për Prishtinën do të kontribuojë në cilësinë e jetës dhe mirëqenies së qytetarëve të Prishtinës, të gjithë Republikës së Kosovës, por edhe të gjithë trupit diplomatik e partnerëve të tjerë ta huaj të vendosur në kryeqytet”, ka shkruar Rama në një postim në “Facebook”.
Postimi i plotë:
Dje, mirëprita në zyrën time ambasadorin e Mbretërisë së Bashkuar në Prishtinë, zotin Nicholas Abbott.
Ambasadori Abbott fillimisht më uroi për postin si Kryetar i ri i Komunës së Prishtinës. Gjatë bisedës u dakorduam për bashkëpunim mes Komunës së Prishtinës dhe Ambasadës Britanike në Kosovë, sepse përkrahja për Prishtinën do të kontribuojë në cilësinë e jetës dhe mirëqenies së qytetarëve të Prishtinës, të gjithë Republikës së Kosovës, por edhe të gjithë trupit diplomatik e partnerëve të tjerë ta huaj të vendosur në kryeqytet.
Në fund të takimit falënderova ambasadorin Abbott dhe gjithë Ambasadën e shtetit britanik në Kosovë për rolin, kontributin dhe përkrahjen e vazhdueshme që japin. Nga ana e tij, ambasadori Abbott shprehu mbështetjen dhe përkushtimin për bashkëpunim të mëtejmë mes Ambasadës Britanike dhe Komunës së Prishtinës.
