3 orë më parëSibel Halimi: “Gratë gjithmonë do të jenë prioriteti im”
Periskopi(5 vite më parë)
(5 vite më parë)Kandidatja e Lidhjes Demokratike të Kosovës, për kryetar të Ferizajt, Sibel Halimi, në vazhdën e shpalosjes së programit qeverisës, ka thënë se gratë dhe vajzat çdo ditë përballen me diskriminim e sfida nga më të ndryshmet. “Mungesa e qasjes në tregun e punës, në shërbimet shëndetësore dhe në arsim janë disa prej sfidave që bashkërisht […]
“Mungesa e qasjes në tregun e punës, në shërbimet shëndetësore dhe në arsim janë disa prej sfidave që bashkërisht do t’i tejkalojmë”, ka potencuar Halimi.
Më tej, ajo ka premtuar se do të krijojnë mekanizma që vajzat të jenë të sigurta në rrugë e në ambiente shkollore.
“Përmes subvencionimit të bizneseve private të cilat punësojnë gra ne do të synojmë fuqizimin e grave në tregun e punës. Do të krijojmë program të veçantë për mbështetjen e grave ndërmarrëse dhe iniciativave që dalin nga gratë përmes Start-Up”, ka nënvizuar Halimi.
Në fund, ajo ka thënë se gratë do të jenë pjesë e secilit dimension të vendimmarrjes.
