4 orë më parëShqiptarët që jetojnë në Angli ‘do të punonin falas’ për të trajtuar krizën e karburantit
Periskopi(5 vite më parë)
(5 vite më parë)Mijëra emigrantë shqiptarë që jetojnë në Mbretërinë e Bashkuar do të ishin të gatshëm të punonin falas për të ndihmuar në trajtimin e krizës së benzinës. Këtë për TheGuardian e tha Ambasadori i Shqipërisë në Mbretërinë e Bashkuar, Qirjako Qirko, i cili tha se nëse qeverisa britanike do të donte mund të ofrohen shoferë të […]
Ai pretendon se shumë prej 150,000 shqiptarëve që jetojnë në Mbretërinë e Bashkuar do të punonin nga mirënjohja për nikoqirët e tyre britanikë. Meqenëse një numër i konsiderueshëm besohet të jenë të padokumentuar, është e pamundur të dihet se sa janë shoferët e kualifikuar.
Por Qirko, i cili sapo kishte kaluar një orë duke pritur në radhë për benzinë pa mundur të blente, tha se ai beson që shumë shqiptarë në Britani kanë qenë shoferë kamionësh që mund të ndihmojnë për të kompensuar një mungesë të vlerësuar deri në 100,000, shkruan TheGuardian, transmeton Klankosova.tv.
“Shqiptarët janë gati të punojnë që qeveria britanike të kapërcejë këtë problem pa pagesë. Unë nuk e di nëse ata kanë licencat e duhura, por nëse do të kishin, jam i sigurt që të gjithë këtu do të thoshin ‘Unë mund të ndihmoj’ tha ai.
Qirko citoi ndërhyrjen e NATO -s në Kosovë në 1999 për shpëtimin e qindra shqiptarëve dhe tha: “Shqiptarët në Mbretërinë e Bashkuar do të punonin falas për këtë vend për shkak të asaj që ky vend ka bërë për ta… Ne i jemi mirënjohës përgjithmonë qeverisë dhe ushtria e këtij vendi, për atë që bënë për vëllezërit tanë në Kosovë. ”
Qirko u bëri thirrje britanikëve që t’i shihnin shqiptarët si një pasuri dhe jo si një problem, duke u ankuar se ata shpesh portretizohen si anëtarë bandash, shpërndarës droge dhe trafikantë njerëzish, përfshirë nga organet qeveritare si Agjencia Kombëtare e Krimit.
“Sigurisht, ka disa njerëz nga komuniteti im që janë të përfshirë në aktivitete kriminale, por pse është kaq e nevojshme të përmendet kombësia e tyre? Kombësia nuk ka të bëjë me krimin. Ju nuk thoni që dikush është një kriminel homoseksual ose lezbik, prandaj pse thoni se ka “kriminelë shqiptarë”? ” tha ai.
“Duke përmendur kombësinë krijoni një perceptim negativ, në lidhje me të gjithë komunitetin këtu që po bën një punë të ndershme. Shqiptarët që vijnë këtu nuk janë kriminelë. Ata janë njerëz që duan një jetë më të mirë. Unë jam këtu për të dal në këmbë për njerëzit e mi. Ata nuk janë kriminelë, ata janë punëtorë dhe të ndershëm. ” shtoi Qirko.
Ai mohoi raportet se Shqipëria po negocionte një marrëveshje me Mbretërinë e Bashkuar për të pritur emigrantët që kalojnë Kanalin me anije të vogla.
