4 orë më parëQeveria “pushton” edhe KEK’un, anëtari i VV’së pritet të emërohet Kryeshef Ekzekutiv
Periskopi(5 vite më parë)
(5 vite më parë)Udhëheqja e Korporatës Elektroenergjetike të Kosovës si duket është caku i radhës i kapjes nga qeveria e Lëvizjes Vetëvendosje. Atje pritet që Nagip Krasniqi, anëtar i Lëvizjes Vetëvendosje dhe drejtues i Komitetit për Energji në këtë subjekt politik të emërohet Kryeshef Ekzekutiv, por ai nuk është i vetmi nga VV që merr pozitë të rëndësishme […]
Sipas burimeve të Gazetës Metro, intervistimi i kandidatëve për pozitën e Kryeshefit Ekzekutiv të Korporatës Elektroenergjetike të Kosovës është bërë të premtën ndërsa gjatë javës së ardhshme pritet që të merret vendimi për emërimin e Kryeshefit e që sipas burimeve të njëjta, pritet të jetë Nagip Krasniqi.
Nagip Krasniqi është njëherit anëtar i Lëvizjes Vetëvendosje dhe udhëheq brenda këtij subjekti politik, sektorin e Komitetit për Energji dhe shpesh është parë i shoqëruar nëpër takime e nëpër aktivitete të ndryshme ku është folur për energjinë.
Emri i Nagip Krasniqit është përmendur shumë vite më parë si njëri nga personat që ishte cak i hetimit nga Njësia e Krimeve Ekonomike, gjithashtu duke qenë pjesë e KEK’ut.
Në anën tjetër, burimet e njëjta kanë thënë për Metro se përveç kësaj, Lëvizja Vetëvendosje ka “deleguar” si Ushtrues Detyre në Zyrën Ligjore të Korporatës Elektroenergjetike të Kosovës ish-asamblistin e vet në Prishtinë dhe ish-këshilltarin e ministrit të Shëndetësisë, Arben Vitia, Milot Podvoricën.
Nga ky burim i kanë thënë Metros se kjo përben nepotizëm të shkallës së lartë pasi babai i Milotit, Rexhep Podvorica i cili tashmë është pjesë e KEDS’sit dhe i emëruar në Bordin e Ibër Lepencit ka qenë më herët pjesë e KEK’ut e gjithashtu në KEK ka punuar edhe e ëma e Milot Podvoricës që tani ka kaluar në KOSTT.
Podvorica, kishte qenë pjesë e zyrës ligjore të KEK’ut, ndërsa e kishte lënë këtë pozitë me t’u emëruar këshilltar politik i Ministrit të Shëndetësisë Arben Vitia në qeverinë Kurti 1, por me të rënë qeveria Kurti 1, Podvorica ishte kthyer në pozitën e tij në KEK, për t’u avancuar më tej si Ushtrues Detyre.
Qeveria Kurti që prej ardhjes në pushtet gjatë dy qeverisjeve ka treguar se di të bëjë punësime partiake, madje në pozitat më të larta nëpër Ndërmarrje Publike, ndonëse këtë e bën në emër të “çkapjes”, ndërsa “kapjen” e bordeve nga njerëzit e vet e arsyeton me “profesionalizmin” e të emëruarve.
