4 orë më parëPresidentit që fitoi zgjedhjet me britma anti-korrupsion i zbulohet pasuria sekrete offshore
Periskopi(5 vite më parë)
(5 vite më parë)Është një rrëfim që do të dukej i paimagjinueshëm më herët. Për katër vjet, aktori dhe komediani Volodymyr Zelenskiy zbaviti popullin ukrainas në televizion në serialin e tij “Shërbëtori i Popullit”. Zeleskiy luante rolin e mësuesit që, i tërbuar me korrupsionin kronik të vendit, me sukses garon për president. Në vitin 2019, trilli u bë […]
Ai kishte premtuar që ta pastronte Ukrainën nga sistemi i dominuar nga oligarkët. Ai mbante fjalime pasionate kundër politikanëve, si kundër-kandidati i tij i pasur Petro Poroshenko që kishte fshehur asetet e tij ‘offshore’.
Pandora Papers, rrjedhja më e madhe e dokumenteve offshore në histori deri tash, tregon se Zelenskiy kishte vepruar ngjashëm për ta rritur pasurinë e tij si paraardhësit e tij në pushtet, raporton Guardian, përkthen Periskopi.
Dokumentet që rrodhën nënkuptojnë se ai kishte fshehur aksione në kompani offshore, që duket se i ka transferuar në mënyrë sekrete te një mik para se të fitonte zgjedhjet presidenciale.
Zelenskiy ende nuk ka komentuar për këtë rast.
Para se të bëhej president, Zelenskiy kishte deklaruar disa prej aseteve të tij private. Ato përfshinin vetura, prona dhe tri kompani offshore ku isthe bashkëpronar.
Por, Pandora papers tregojnë të tjera asete të dyshimta offshore të Zelenskiyt./Periskopi
