10 minuta më parëMinistri Murati i del në ndihmë Bahtirit: Ia zhbllokon sistemin e komunës për zotime dhe pagesa
Periskopi(5 vite më parë)
(5 vite më parë)Komuna e Mitrovicës ka njoftuar se borxhi i akumuluar që u bë shkak për bllokimin e financave të sistemit për zotime dhe pagesa është debllokuar nga data 06.10.2021 nga Ministria e Financave, Punës dhe Transfereve. Nga Komuna e Mitrovicës kanë thënë se ekzekutimi i pagesave do vazhdohet të kryhet si më parë. Ministri Murati në […]
Nga Komuna e Mitrovicës kanë thënë se ekzekutimi i pagesave do vazhdohet të kryhet si më parë.
Ministri Murati në media është raportuar se po e shfrytëzon pozitën e ministrit të Financave për t’i përkrahur kandidatët e VV-së në garën zgjedhore.
Ndryshe, drejtori i përgjithshëm i Thesarit të Shtetit, Ahmet Ismali, më 22 shtator ka dërguar një shkresë zyrtare lidhur me keqmenaxhimin e buxhetit të Komunës së Mitrovicës, duke detyruar bllokimin e fondeve të kësaj komune. Madje në atë shkresë u tha se rrezikohen edhe pagat e punëtorëve.
Njoftimi i plotë:
Të nderuar qytetarë, Komuna e Mitrovicës pas komunikimit me Ministrinë e Financave, Punës dhe Transfereve me përgjegjësi të plotë ju njofton se sistemi për zotime dhe pagesa është debllokuar nga data 06.10.2021, dhe se ekzekutimi i pagesave i është kthyer normalitetit.
Po ashtu i njoftojmë edhe të gjitha portalet të cilat raportuan me tendenca të caktuara, kinse Komuna e Mitrovicës ka “falimentuar”, se një gjë e tillë nuk qëndron për vet faktin se institucioni është duke vijuar punën në suaza të rregullta.
