4 orë më parëKrimi i Organizuar: Kosova zë vendin e 13 në Evropë, Turqia të parin, Serbia të tretin
Periskopi(5 vite më parë)
(5 vite më parë)Serbia është në vendin e tretë sa i përket nivelit të lartë të krimit të organizuar. Ajo mbetet prapa, vetëm vendeve tona mike, Turqisë dhe Rusisë. Në anën tjetër, Kosova aktualisht është shteti që qëndron më së miri në rajon. Këto të dhëna u publikuan në raportin e fundit nga Iniciativa Botërore Kundër Krimit të […]
Këto të dhëna u publikuan në raportin e fundit nga Iniciativa Botërore Kundër Krimit të Organizuar.
Indeksi i Krimit të Organizuar është mjeti i parë e përcaktuar për të matur nivelin e krimit të organizuar dhe qëndrueshmërinë ndaj kësaj dukurie.
Iniciativa Botërore Kundër Krimit të Organizuar ka mbledhur të dhëna për nivelin e krimit dhe qëndrueshmërinë ndaj tij në 193 shtete anëtare të Organizatës së Kombeve të Bashkuara, por edhe disa që s’janë pjesë e OKB-së, përfshirë Kosovën.
Përmes këtyre të dhënave, kjo iniciativë ka shprehur shpresën për nxitje të përgjigjes ndaj kërcënimeve që sjell krimi i organizuar. Indeksi i ka renditur nivelin e krimit me pikë nga 1 deri në 10 me pikët më të larta që paraqesin nivelin më të keq. Mesatarja ka dalë duke mbledhur të dhënat nga tregjet kriminale, trafikim me njerëz, kontrabandë, trafikim me armë, krime ndaj natyrës dhe tregti me substanca narkotike. Në zhvillim të raportit kanë marrë pjesë 350 ekspertë në gjithë botën.
Lista tregon se Kosova qëndron më së miri në shtetet e Ballkanit Perëndimor. Serbia është më së keqi. Mali i Zi është i pesti në Evropë, Bosnja e gjashta, Shqipëria e 10-ta e Maqedonia e Veriut e 12-ta. Kosova ka indeks 5.19 të kriminalitetit, sipas raportit.
Në nivel botëror për më së keqi prinë Republika Demokratike e Kongos me indeks 7.75, e pasuar nga Kolumbia, Birmania, Meksika e Nigeria. Irani, Afganistani, Iraku, Republika e Afrikës Qendrore dhe Hondurasi mbyllin top-dhjetëshen. Turqia, si shteti me nivelin më të lartë të kriminalitetit në Evropë, në listën botërore zë vendin e 12-të.
Vendet me nivelin më të ulët të kriminalitetit në botë janë Tuvalu me indeks 1.54, Nauru me nivel 1.76 dhe Sao Tome me 1.78.
Ndërsa në nivelin e qëndrueshmërisë ndaj kriminalitetit prijnë Finlanda e Lihtenshtajni me indeks prej 8.42 (Sa më e lartë shifra, qëndrueshmëria ndaj kësaj dukurie më e mirë). Top-treshen e mbyll Zelanda e Re me indeks 8.38.
Kosova është në mes të pozitës së 114 dhe 118 në këtë listë me indeks 4.42.
