4 orë më parëDëshmitari i masakrës së Sllovisë, për dënimin e Stanishiqit: Është një dënim qesharak, drejtësia e vonuar është padrejtësi
Periskopi(5 vite më parë)
(5 vite më parë)Goran Stanishiq është dënuar me 20 vite burgim nga Gjykata Themelore në Prishtinë, pasi u gjet fajtor për vrasjen e 13 civilëve në Sllovi të Lipjanit gjatë luftës së fundit në Kosovë. Lidhur me dënimin e tij kanë folur dëshmitarët dhe familjarët e viktimave. Njëri nga dëshmitarët, Feriz Gërbeshi i mbijetuar i masakrës së “Lugut […]
Lidhur me dënimin e tij kanë folur dëshmitarët dhe familjarët e viktimave.
Njëri nga dëshmitarët, Feriz Gërbeshi i mbijetuar i masakrës së “Lugut të Demës” tha se aty kanë ndodhur dy ditë masakra.
“Këtu kanë ndodh dy ditë masakra të pandërprera, me 15 prill 1999 forcat ushtarake, policore kanë vrarë 24 civil shqiptarë në këtë fshat, dhe kanë djeg mbi gjysmën e fshatit, dhe ditën e dytë kanë vazhduar të njëjtën ofensiv, me të nëjjtit persona të përfshirë, protagonistë ka qenë edhe një roje e pylli, kanë vazhduar kanë bërë rrethime, në atë rrethim kam qenë edhe unë, ku në atë vend janë ekzekutuar 17 persona, në mesin e tyre dy kanë qenë gra, 14 të gjinisë mashkullore, prej moshës 16 vjeçare deri 80 vjeç”, tha Gërbeshi ne Klan Kosova.
“Nuk është vetëm një person, ka qenë një grup kriminal i organizuar, të gjithë kanë vepruar edhe në krime jashtë Sllovisë, vetëm me bekimin e tyre janë vrarë këta njerëz”.
“Është dënuar vetëm për 13 persona për shkak se nuk jam në dijeni se çfarë kanë deklaruar dëshmitarët, dëshmitë e dëshmitareve me shumë mundësi kanë qenë më të fuqishme për këta 13 të vrarët, është vetëm njëri prej tyre i dënuar, këtu kanë qenë shum tjerë”.
“Për neve është një dritë në fund të tunelit, për shumë nëna që gjenden këtu dhe nëna që nuk jetojnë më, krejt kanë qenë dëshmitare të vrasjes së bijve të tyre, është një dënim qesharak, drejtësia e vonuar është padrejtësi, është dënim i ulët se ata meritojnë vetëm dënim me vdekje, jo vetëm ky por të gjithë me emër dhe mbiemër e dimë se cilët kanë marrë pjesë”.
Ilmije Ismajli dëshmitare dhe familjare tha se i është vrarë djali i saj dhe djali i axhës.
“Më kujtohet krejt ngjarja, erdh djali më kërkoi ujë, i thash se nuk ka, ka shkuar pastaj të marrë ujë të kroi, janë dalë policia serbe, ata kanë ikë malit, atje në rrafsh i kanë mbyt, burri kur ka shkuar nuk ka arritur as ta njoh, vetëm me letërnjoftim ka arritur ta njoh”, ka deklaruar ajo.
