2 orë më parëAktivisti i VV-së dhe banorët e Tavnikut mblidhen kundër Agim Bahtirit, i kundërpërgjigjen ofendimeve të tij (Video)
Periskopi(5 vite më parë)
(5 vite më parë)Një numër i madh i banorëve të lagjes Ilirida (Tavnik) janë mbledhur sot në një tubim në Mitrovicë. Aktivisti i Lëvizjes Vetëvendosje, Ramadan Beshiri, ka ndarë një video nga ky tubim ku shihet duke mbajtur fjalim para banorëve të lagjes. Beshiri tha se ky takim nuk ka të bëj me asnjë ngjyrim politik e me […]
Aktivisti i Lëvizjes Vetëvendosje, Ramadan Beshiri, ka ndarë një video nga ky tubim ku shihet duke mbajtur fjalim para banorëve të lagjes.
Beshiri tha se ky takim nuk ka të bëj me asnjë ngjyrim politik e me asnjë parti, por sipas tij ky takim është mbajtur për të treguar se janë fuqi.
Tutje ai tha që ky takim të shërbejë si përgjigje për të gjithë ata që e kanë ofenduar këtë lagje, shkruan Jepi Zë.
Ndryshe, Beshiri ishte një nga aktivistët që kishte dalë kundër rikandidimit të Agim Bahtirit nga Lëvizja Vetëvendosje.
“Grupi Tavnik City është mbledh me tregu fuqin e saj elektorale, dhe me jep mesazh te fuqishem se jemi të bashkuar. Nuk jemi matrapaz, siq na ka quajtur Kryetari Bahtiri, ne nuk jemi terrorist që demtojn prona, por jemi vlerë për gjithë qytetin”, thonë qytetarët nga Tavniku.
Ditë më parë kjo lagje ishte mbushur me grafite “E duam Albinin, por jo Agimin”.
Në tubimin që kishte mbajtur Bahtiri në këtë lagje kishin dalë forca të shumta të Policisë së Kosovë.
Kjo u pa si frikë e kryetarit nga qytetarët për shkak të keqqeverisjes.
