Shala: Rimëkëmbje për ekonominë e goditur nga qeverisja Kurti dhe Hoti

Kandidati për deputet nga PDK, Ferat Shala ka vizituar sot një biznes të qëndrueshëm në Drenas, duke thënë se programi i Qeverisë së Rimëkëmbjes, prioritet do ta ketë mbështetjen ndaj tyre.

Shala ka shkruar se ekonomitë kosovare janë goditur keq nga keqqeverisja Kurti dhe Hoti.

Ja postimi i plotë:

Sot vizitova studion e modës “Tabja”, e cila me prodhimet kreative tashmë është bërë konkurrente në tregjet evropiane. Studio “Tabja” është sinonim i punës së gruas së vyer kosovare dhe ndërmarrëses së suksesshme. “Tabja” është njëri nga tregimet më të suksesshme të Kosovës në 20 vjetët e fundit. Studioi “Tabja” ka bërë dëshmi se me idetë dhe kreacionet e tyre gratë kosovare mund të bëhen lidere edhe në biznes ndërkombëtar.

Me punën këmbëngulëse “Tabja” ka arritur të bëhet një biznes i qëndrueshëm sepse me afarizmin profitabil ajo tani ka në marrëdhënie pune shumë gra dhe vajza disenjatore, kreacionet e të cilave po çajnë tregjet e botës. Produktet që dalin nga studiot “Tabja”, si veshje, stoli dhe aksesorë të tjerë për gra, po bëhen gjithnjë e më të kërkuara nga shtëpitë e modës në mbarë Evropën.

Programi i Qeverisë në ardhje të Republikës së Kosovës, “Rimëkëmbje”, në top-prioritet e ka pikërisht fuqizimin e bizneseve të vogla dhe të mesme, të cilat do ta rimëkëmbin ekonominë kosovare të goditur keq nga keqqeverisja Kurti&Hoti.