4 orë më parëProkurori Smith për pretendimet se UÇK kreu krime fetare: Është fakt se mes viktimave kishte katolikë
Periskopi(5 vite më parë)
(5 vite më parë)Kreu i Zyrës së Prokurorit të Specializuar, Jack Smith, ka folur për mediumin e Surroit në lidhje me aktakuzat e Speciales për komandantët e UÇK-së. Ndër tjerash, interesante është edhe përgjigja e tij për pretendimin e Speciales se UÇK-ja ka kryer krime me motive fetare. Smith ka deklaruar se aktakuzat ndaj Hashim Thaçit dhe të […]
Smith ka deklaruar se aktakuzat ndaj Hashim Thaçit dhe të tjerëve nuk duhen parë si aktakuza ndaj UÇK-së apo Kosovës, por si aktakuza ndaj individëve.
Ai është munduar që ta relativizojë paksa pretendimin e Speciales se UÇK-ja ka kryer krime bazuar në motive fetare, por megjithatë duke e përmendur si fakt që “disa shqiptarë katolikë ishin në mesin e viktimave të krimeve të paraqitura në aktakuzë”, përcjell Periskopi.
“Aktakuza në fakt nuk iu referohet shqiptarëve katolikë, e as ndonjë grupi tjetër fetar. Sidoqoftë, është fakt që disa shqiptarë katolikë së bashku me shumë të tjerë, ishin në mesin e viktimave të krimeve të paraqitura në aktakuzë, dhe rrjedhimisht kjo është diçka që është pasqyruar në provat e paraqitura dhe në vendimin e konfirmimit që analizon ato prova”, ka thënë Smith për Kohën.
Ky pretendim është konsideruar skandaloz dhe tepër njollosës për karakterin e luftës çlirimtare të UÇK-së, dhe që e dëmton politikisht edhe imazhin e shtetit të Kosovës.
Lexo intervistën e plotë duke klikuar KËTU. /Periskopi
