2 orë më parëProkurori e liroi njëherë, arrestohet sërish zyrtari policor Haris Kelmendi
Periskopi(5 vite më parë)
(5 vite më parë)Pas publikimeve të pamjeve skandaloze të keqtrajtimit të Leotrim Ramës, nga zyrtari policor, Haris Kelmendi, Prokuroria ka urdhëruar që ky i fundit të arrestohet sërish dhe të dërgohet në ndalim policor. Lajmin e ka konfirmuar për Sinjalin edhe avokati i të dyshuarit, Naim Rudari. Në një prononcim, ai deklaroi se me urdhër të Prokurorisë Themelore […]
Lajmin e ka konfirmuar për Sinjalin edhe avokati i të dyshuarit, Naim Rudari.
Në një prononcim, ai deklaroi se me urdhër të Prokurorisë Themelore në Prishtinë, klienti i tij, Haris Kelmendi është arrestuar sërish dhe ndaj tij është urdhëruar ndalimi policor prej 48 orësh.
Rudari deklaroi se dyshimi aktual ndaj Kelmendit është për veprën penale “Pengim i te provuarit”.
Sipas dëshmisë së dhënë në Polici nga viktima e këtij rasti, Leotrim Rama, zyrtari policor, Haris Kelmendi dyshohet se ka ushtruar presion ndaj tij për ta ndryshuar deklaratën.
Kujtojmë se Haris Kelmendi u arrestua më 28 janar nën dyshimin për veprën penale “keqtrajtim gjatë ushtrimit të detyrës zyrtare”, por i njëjti u lirua më pas.
Pamjet e keqtrajtimit të një 18 vjeçari, ishin të vitit 2018, nga Haris Kelmendi.
