4 orë më parëPeci nervozohet me reagimin e PDK-së për incidentin në veri
Periskopi(5 vite më parë)
(5 vite më parë)Këshilltari i Vjosa Osmanit, Faton Peci, ka reaguar pas incidentit të sotëm në veri ku u.d e presidentit dhe kreu i VV-së, Albin Kurti u penguan ta realizojnë vizitën. Ai është kapur për reagimin e PDK-së duke thënë se është në linjë me atë të Listës Serbe. Madje ka përmendur edhe ish-presidentin Thaçi. “Me këtë […]
Këshilltari i Vjosa Osmanit, Faton Peci, ka reaguar pas incidentit të sotëm në veri ku u.d e presidentit dhe kreu i VV-së, Albin Kurti u penguan ta realizojnë vizitën.
Ai është kapur për reagimin e PDK-së duke thënë se është në linjë me atë të Listës Serbe.
Madje ka përmendur edhe ish-presidentin Thaçi.
“Me këtë reagim, ata dëshmuan paaftësinë e tyre për ta qeverisur atë pjesë, sikurse dëshmuan edhe për pjesën tjetër të Kosovës. Madje, ky subjekt nëpërmjet njeriut të vet, ish-presidentit Thaçi le që dështoi të vendos autoritet në këtë pjesë, por e vuri tërësinë territoriale të Kosovës në Pazar”, ka shkruar ai.
Madje ka thënë se ata do të shkojnë sërish në veri.
Postimi i plotë:
Reagimi i PDK-së, pos që është në linjë me atë të Listës Serbe, është poashtu pranim i dështimit për mos ushtrim të autoritetit të të gjitha qeverive të saj, prej 20-vjetësh në veri të vendit.
Me këtë reagim, ata dëshmuan paaftësinë e tyre për ta qeverisur atë pjesë, sikurse dëshmuan edhe për pjesën tjetër të Kosovës. Madje, ky subjekt nëpërmjet njeriut të vet, ish-presidentit Thaçi le që dështoi të vendos autoritet në këtë pjesë, por e vuri tërësinë territoriale të Kosovës në pazar.
Ne mbaruam vizitën tonë me sukses të plotë në veri të vendit. Reagimet për vizitën nuk e zhbëjnë atë. Ne jo vetëm që ishim, por do të jemi sërish atje. Jo për të bërë fushatë, por për të vendosur sundimin e rendit dhe të ligjit, të cilin PDK dhe satelitët e saj nuk arritën ta bëjnë prej dy dekadash!.
