8 orë më parëNë Spitalin e Pejës po trajtohen 71 pacientë me COVID-19, prej tyre 10 në gjendje të rëndë
Periskopi(5 vite më parë)
(5 vite më parë)Në Spitalin e Përgjithshëm të Pejës janë duke u trajtuar 71 pacientë të infektuar me COVID-19, prej të cilëve 10 janë në gjendje më të rëndë shëndetësore. Sipas raportit të këtij spitali, janë 51 pacientë me oksigjeno terapi, ndërkaq 3 janë në respirator. “3 Pacientë janë shëruar gjatë 24 orëve të fundit nga Covid-19. Aktualisht […]
Sipas raportit të këtij spitali, janë 51 pacientë me oksigjeno terapi, ndërkaq 3 janë në respirator.
“3 Pacientë janë shëruar gjatë 24 orëve të fundit nga Covid-19. Aktualisht 71 pacientë janë duke u trajtuar aktualisht me Covid-19. Sa i përket gjendjes së pacientëve: 51 pacientë janë në Oksigjeno terapi ndërsa nga këta 10 pacientë janë në gjendje më të rëndë dhe 3 pacientë janë në Respirator (CPAP)”, thuhet në njoftim.
Po ashtu, gjatë 24 orëve të fundit në Spitalin e Përgjithshëm në Pejë, 199 pacientë kanë marrë trajtim emergjent shëndetësorë, dhe nga këta 17 pacientë janë shtrirë për trajtim të mëtutjeshëm.
“5 lindje kanë qenë gjatë gjatë ditës së djeshme në Spitalin e Përgjithshëm në Pejë, 3 normale dhe 2 me prerje cezariane. Kanë lindur 5 foshnje, 2 të gjinisë mashkullore dhe 3 të gjinisë femërore. 237 pacientë kanë kryer analiza, që në total kanë bërë 3,484 analiza, ndërsa janë kryer 8 operacione”, thuhet tutje në njoftim.
