Miliarderët tashmë e morën veten nga pandemia, të varfërve mund t’ju duhen 10 vjet kohë

Më shumë se një dekadë do t’ju duhet më të varfërve të botës që të rimëkëmben, sipas një raporti vjetor mbi pabarazinë nga Oxfam International.

Raporti, i lansuar të dielën para takimit virtual të Forumit Ekonomik të Botës, që zakonisht mbahet në Davos të Zvicrës, ka treguar impaktin e ndryshëm të virusit në mbarë botën. Pandemia mund të rris pabarazinë ekonomike gati në çdo vend përnjëherë, ka gjetur Oxfam, raporton CNN, përkthen Periskopi.

“Ne do të bëhemi dëshmitarë të rritjes më të madhe të pabarazisë që kur ka nisur të regjistrohet kjo gjë. Dallimi i thellë mes të pasurve dhe të varfërve po dëshmohet po aq vrasës sa virusi,” tha Gabriela Buxher, drejtoreshë ekzekutive e Oxfamit.

Koronavirusi, që ka infektuar gati 100 milionë njerëz dhe ka vrarë më shumë se 2.1 milionë globalisht, e ka shtyrë pabarazinë drejt vëmendjes së madhe. Se si njerëzit do të ndikohen dallon nga raca, gjinia por edhe nga të ardhurat që marrin.

Për shembull, afër 22 mijë amerikanë të zinj dhe hispanikë do të ishin ende gjallë, nëse këto grupe do të vdisnin nga virusi në shkallë të njëjtë me amerikanët e bardhë. /Periskopi