7 orë më parëFutja ilegale e vaksinave anti COVID në veri ende po hetohet, personeli mjekësor proteston
Periskopi(5 vite më parë)
(5 vite më parë)Prokuroria Themelore në Mitrovicë është duke vijuar hetimet lidhur me futjen ilegale të vaksinave anti COVID në veri të vendit. Zëdhënësi i Prokurorisë Themelore të Mitrovicës, Valon Preteni ka thënë se Prokuroria ende është në fazën e mbledhjes së informacioneve. “Pas informacioneve të pranuara dhe raporteve në media lidhur me futjen potenciale të vaksinave anti […]
Zëdhënësi i Prokurorisë Themelore të Mitrovicës, Valon Preteni ka thënë se Prokuroria ende është në fazën e mbledhjes së informacioneve.
“Pas informacioneve të pranuara dhe raporteve në media lidhur me futjen potenciale të vaksinave anti COVID në pjesën veriore të Kosovës pa përfillur dispozitat e zbatueshme ligjore, Prokuroria Themelore në Mitrovicë, në bashkëpunim të ngushtë me policinë, janë duke mbledhur informacione për të vlerësuar nëse vaksinat janë sjellë në Kosovë, si dhe nëse importimi i tyre është bërë në pajtim me protokollet përkatëse për mbrojtjen e shëndetit publik dhe kërkesat ligjore që rregullojnë këto çështje”, ka thënë Preteni, shkruan KP.
Ndërsa kundër këtij procesi hetimor sot ka dalë personeli mjekësor në veri të vendit të cilët protestuan sot para Spitalit të Mitrovicës të veriut dhe Prokurorisë Themelore.
“Pse ata nuk na lejojnë të luftojmë COVID-19”, “Ndaloni gjuetinë ndaj mantelbardhëve”, “Mjekët konsiderohen heronj në të gjithë botën, ndërsa në Prishtine konsiderohen kriminelë”, ishin parullat të cilat i mbajtën në duar.
