Faton Abdullahu mbron UÇK-në: Ajo s’është e atyre që s’besonin në të

Sipas, Abdullahut UÇK’ja është e atyre që e mbrojnë më së shumti.

Tutje ai ka treguar se e kujt nuk është UÇK’ja, duke i rënditur disa arsye.

Shkrimi i tij i plotë:

E kujt është UÇK-ja ?

UÇK-ja më së shumti është e atyre që e mbrojnë më së shumti.

UÇK-ja nuk është e atyre që nuk kanë besuar kurrë se me luftë çlirohet ky vend.

UÇK-ja nuk është e atyre që thoshin se ajo është dorë e zgjatur e Serbisë

UÇK-ja nuk është e atyre që thonë se luftut një vjet e po qeverisni 20 vjet

UÇK-ja nuk është e atyre që i gëzohen burgosjeve të Gjykatës Speciale as e atyre që thonë se vetë e votuat Gjykatën e tash mirë po ju bohet.

UÇK-ja nuk është e atyre që nuk e votojnë Ligjin për mbrojtjen e vlerave të luftës.

UÇK-ja nuk është e atyre që duan ta leçisin ate me veteranët e rrejshëm, me hajnat e vërtetë, as me ata që harruan pse luftuan.

UÇK-ja nuk është e atyre që mendojnë se ajo nuk është themel i shtetit të Kosovës dhe se ky themel mund të zëvendësohet me diçka tjetër,

UÇK-ja nuk është e atyre që e duan të ardhmen si duhet pa e njohur të kaluarën si ishte

UÇK-ja nuk është e atyre që mendojnë se ajo e ka vendin veç në histori dhe veç te varret.