2 orë më parëDita kur pritet të marrin fund ankesat e partive që janë drejtuar në PZAP
Periskopi(5 vite më parë)
(5 vite më parë)Vetëm deri nesër. Pastaj gjithçka duhet të merr fund, sa i përket ankesave të partive politike për moscertifikim, drejtuar PZAP-së. Partitë politike kanë dorëzuar nëntë apele me datë 23 janar, një ditë pas mbledhjes së KQZ-së, ku edhe kjo e fundit moscertifikoi shumë kandidatë, sipas vendimit të Gjykatës Kushtetuese. Gjykata Kushtetuese, kishte marr vendim që, […]
Partitë politike kanë dorëzuar nëntë apele me datë 23 janar, një ditë pas mbledhjes së KQZ-së, ku edhe kjo e fundit moscertifikoi shumë kandidatë, sipas vendimit të Gjykatës Kushtetuese.
Gjykata Kushtetuese, kishte marr vendim që, asnjë kandidat i cili është i dënuar me vendim të prerë, brenda tri viteve të fundit, nuk mund të bëhet deputet.
VV, AAK dhe NISMA, janë partitë që janë ankuar në PZAP.
Por, ky insititucion i pavarur, mund të vendosë edhe më herët në apelet që janë dorëzuar brenda afatit ligjor.
Bazuar në ligjin në fuqi, PZAP-ja përbëhet nga dhjetë anëtarë, përfshirë kryesuesin, i cili vjen nga radha e gjyqtarëve të Gjykatës Supreme të Kosovës dhe anëtarët e tjerë që vijnë nga radha e gjyqtarëve të Gjykatës së Apelit dhe Gjykatave Themelore të Kosovës.
PZAP-ja mund të mblidhet në seanca të ndara me nga së paku tre anëtarë, por për çështje të rëndësisë së veçantë, kryesuesi i PZAP-së mund të krijojë një panel që do të përbëhej nga nëntë anëtarë të këtij institucioni. Aty, vendimet merren me shumicë votash.
Në ligj është e specifikuar qartë se vendimet e PZAP-së janë të detyrueshme për KQZ-në.
Aktualisht, kryesues i PZAP-së është Shukri Sylejmani.
