7 orë më parëA e ndikon fertilitetin e burrave infektimi me Covid? Ekspertët bëjnë thirrje për kujdes nga provat e reja
Periskopi(5 vite më parë)
(5 vite më parë)Rastet e rënda të Covid-19 mund të kenë ndikim në kualitetin e spermës së burrit, kështu duke shkaktuar afektime të fertilitetit, sipas një studimi të ri të botuar në revistën Riprodhimi [Reproduction]. “Raporti ofron provat e para direkte deri tash se infeksioni i Covid-19 e dëmton cilësinë e semenit dhe potencialin riprodhues të mashkullit,” thotë […]
“Raporti ofron provat e para direkte deri tash se infeksioni i Covid-19 e dëmton cilësinë e semenit dhe potencialin riprodhues të mashkullit,” thotë studimi, përcjell Periskopi nga CNN.
Sidoqoftë, ekspertët e papërfshirë në studim menjëherë shfaqën skepticizmin e tyre për konkluzionin e raportit dhe bënë thirrje për kujdes në mbi-përgjithësimet e gjetjeve të studimit.
“Të sëmuresh nga çfarëdo virusi mundet që përkohësisht të ulë spermën tuaj [nganjëherë në zero] për disa javë apo muaj. Kjo e bën të vështirë që të përcaktohet se sa nga reduktimet që janë vërejtur nga studimi ishin specifike për Covid-19 e jo nga sëmundje tjera,” tha Dr. Channa Jayasena, eksperte e çështjes.
Studimi analizoi 105 burra fertilë pa Covid-19 me 84 burra fertilë të diagnostikuar me koronavirus dhe analizuan semenin e tyre në interval prej 10 ditësh për 60 ditë rresht.
Krahasuar me burrat e shëndetshëm pa Covid, studimi gjeti një rritje domethënëse të inflamacionit dhe stresit oksidativ në qelizat e spermës që i përkisnin burrave me Covid-19.
Dhe dallimet rriteshin varësisht se sa e rëndë ishte sëmundja./Periskopi
