4 orë më parëZemaj: Ditët në vijim do ta kemi Spitalin për Covid-19 me 500 shtretër
Periskopi(6 vite më parë)
(6 vite më parë)Ministri i Shëndetësisë, Armend Zemaj, ka thënë se ditët në vijim do të jetë gati “Spitali për Covid-19” me 500 shtretër, në Prishtinë. Përmes një postimi në Facebook, Zemaj tha se po komunikojnë me OBSH-në lidhur me sigurimin e vaksinës anti-Covid, ndërkaq ka përmendur kërkesat e bizneseve dhe mos votimin e Projektligjit për Rimëkëmbje Ekonomike […]
Ministri i Shëndetësisë, Armend Zemaj, ka thënë se ditët në vijim do të jetë gati “Spitali për Covid-19” me 500 shtretër, në Prishtinë.
Përmes një postimi në Facebook, Zemaj tha se po komunikojnë me OBSH-në lidhur me sigurimin e vaksinës anti-Covid, ndërkaq ka përmendur kërkesat e bizneseve dhe mos votimin e Projektligjit për Rimëkëmbje Ekonomike në Kuvendin e Kosovës.
Postimi i plotë:
Përderisa shtetet evropiane po ballafaqohen me përhapjen e shpejtë të virusit dhe raportojnë numër të lartë të infeksioneve me Sars Covid-19, ne po përgatitemi për çdo skenar.
Ministria e Shëndetësisë, ditëve në vijim do ta bëjë gati “Spitalin për Covid-19”, me 500 shtretër në Prishtinë.
Po komunikojmë me COVAX/OBSH për sigurimin e vaksinës së mundshme kundër Covid-19, si dhe po bëjnë veprimet e nevojshme në pajtim me situatën.
Ne jemi nën presion edhe nga bizneset si pasojë e mos votimit të “Projektligjit për Rimëkëmbjen Ekonomike” e që po na vështërson përpjekjen tonë kundër virusit.
Mos miratimi i Projektligjit po rrezikon mbijetesën e shumë bizneseve dhe mirëqenien e qytetarëve.
Është shqetësuese dhe për keqardhje, sepse po ndodh, për shkak të tekeve të disa deputetëve.
Në parandalimin e përhapjes së virusit duhet kujdes, shumë KUJDES! Kërkohet respektim i masave parandaluese!
Vendosni maskën!
Mbani higjienën!
Respektoni distancën!
