4 orë më parëZbulohet: Arabia Saudite mund të ketë mjaftueshëm uranium për të prodhuar lëndë nukleare
Periskopi(6 vite më parë)
(6 vite më parë)Arabia Saudite është e mundur të ketë tashmë mjaftueshëm rezerva të uraniumit për t’i çelur rrugë prodhimit të brendshëm të lëndëve nukleare, sipas dokumenteve konfidenciale që i ka parë gazeta The Guardian. Detajet e stoqeve përmbahen në një raport të përgatitur për mbretërinë nga gjeologët kinezë, që janë munduar të ndihmojnë Riadin të hartojë rezervat […]
Detajet e stoqeve përmbahen në një raport të përgatitur për mbretërinë nga gjeologët kinezë, që janë munduar të ndihmojnë Riadin të hartojë rezervat e uraniumit me shpejtësi të rrezikshme si pjesë e marrëveshjes së tyre të bashkëpunimit për energji nukleare.
Ky zbulim do të rris shqetësimet për interesin e Riadit në një program të armëve bërthamore, shkruan The Guardian, përcjell Periskopi.
Raporti përshkruan se si gjeologët kishin punuar gjithë vitin pavarësisht nxehtësisë përvëluese të verës për të identifikuar rezervat që mund të prodhojnë 90 mijë ton uranium nga tri depozita të mëdha në qendër dhe në veriperëndim të vendit.
Arabia Saudite ka qenë e hapur për ambiciet e saj që të ekstraktojë uranium, me një zyrtar të lartë që në vitin 2017 e përshkruante këtë gjë si një “hap drejt “vetëmjaftueshmërisë” në prodhimin e lëndës nukleare për një program energjie.
Një hulumtim i vitit 2019 sygjeronte se rezervat mund t’i ofronin Arabisë Saudite potencialisht edhe lëndë për reaktorët që dëshiron të ndërtojë, por edhe teprica që do t’i eksportonte. /Periskopi
