2 orë më parëXhavit Haliti paralajmëron përplasje ndërmjet ndërkombëtarëve
Periskopi(6 vite më parë)
(6 vite më parë)Anëtari i Kryesisë së Partisë Demokratike të Kosovës, Xhavit Haliti ka komentuar për zhvillimet e pritshme që do të ndodhin me 4 shtator në Uashington. Haliti ka thënë se Kosova nuk e ka fuqinë për të vendosur veto në ndonjë proces. “Në rrethanat që jemi askush nuk ka nevojë të qet gjoksin para. Bota po […]
Anëtari i Kryesisë së Partisë Demokratike të Kosovës, Xhavit Haliti ka komentuar për zhvillimet e pritshme që do të ndodhin me 4 shtator në Uashington.
Haliti ka thënë se Kosova nuk e ka fuqinë për të vendosur veto në ndonjë proces.
“Në rrethanat që jemi askush nuk ka nevojë të qet gjoksin para. Bota po ndryshon shumë. Shtetet e fuqishme në Ballkan janë të preokupuara me problemet mes Turqisë e Greqisë”, tha ai.
Ish-deputeti i PDK-së, thotë se Kosova duhet të jetë e gatshme të bashkëpunojë me të gjithë por nuk duhet ta teprojë me kërkesa.
“Ne nuk jemi të gatshëm të luajmë rolin e të fortit të ballafaqohemi me problemet që kemi. Ne duhet të punojmë për të mirën e këtij vendi”.
Haliti thotë se Kosova do të përballet me vizion Evropian që nuk dëshiron ndryshim të kufijve dhe me atë të Grenellit që edhe mund të pranojë ndryshimin e kufijve.
“Për këto dy opsione do të përplasen ata që i proklamojnë”.
Anëtari i Kryesisë së Partisë Demokratike të Kosovës ka thënë se si në takimin e 27 qershorit që u planifikua në Uashington ashtu edhe në këtë të 4 shtatorit, protagonisti është Amerika.
